Монголын говь цөл нуур, намгархаг газартай байх үед эртний хүн төрөлхтний бүлгүүд нутаглаж байсныг шинэ судалгаа харуулжээ.
PLOS One сэтгүүлд нийтлэгдсэн олдворууд нь 140,000 жилийн өмнөхөөс 8000 жилийн өмнөх үе хүртэл тухайн бүс нутагт хүн оршин тогтнож байсныг харуулсан байна. Монголын говийг хатуу ширүүн, хуурай бүс нутаг гэгддэг ч голоцены эхэн үед илүү чийглэг уур амьсгалтай байсан нь хүний эртний популяцид таатай орчин бүрдүүлсэн гэж судлаачид үзжээ.
Олон улсын археологичдын баг PLOS One сэтгүүлд нийтэлснээр, судлаачид шинэ судалгааны ажлаараа агаарын температур нэмэгдэхийн хэрээр мөстлөгийн үеэс үлдсэн говь цөл дэх ширгэсэн нуурыг судалжээ. Үр дүнд нь 2700 хүртэл чулуун зэвсгийн бөөгнөрөл олсон байна.
Тус 2726 чулуун олдвор нь эртний хүмүүс гайхалтай ур чадвараар урласан багаж хэрэгсэл буюу чулуун зэвсэг байжээ.
Энэхүү нотолгоо нь хүн төрөлхтөн тооцоолсноос хамаагүй эрт энэ нутагт байсан гэдгийг харуулж байгаа аж. Судлаачид нуурын хурдас, хөрсний давхарга, ойролцоох газрын хэлбэрийг судалснаар эртний нуурын хэмжээ, хэлбэр, уур амьсгал хэрхэн өөрчлөгдсөнийг мөн тогтоосон байна. Тэд энэ бүх нотлох баримтыг нэгтгэж, тэнд хэн амьдарч байсан, юу хийдэг байсан, эдгээр багаж хэрэгслийг хэрхэн хийсэн болохыг олж мэдэхээр ажиллаж байгаа аж.
Тэд геоархеологи, седиментологи, гэрэлтэх онолзох, чулуун чулуулгийн шинжилгээ зэрэг аргуудыг хослуулснаар уулын сав газарт 140,000 жилийн өмнө плейстоцен болон голоцены эхэн үед нуур байдгийг илрүүлсэн гэж Archeology News мэдээлэв.
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.