Хуульч Б.Гүнбилэг Ерөнхий сайдын дөрвөн асуудлаар АТГ-т өгч, "Адилхан ажлаа өгөөд шалгуул" гэлээ

Хуульч Б.Гүнбилэг Ерөнхий сайд Г.Занданшатарыг АТГ-т өгч буйгаа мэдэгдлээ.

Тэрбээр,

“Нэгдүгээрт, Ерөнхий сайдын орон тооны бус зөвлөх Ц.Анандбазарын “Содмонгол” групп түүнийг ЭТТ ХК дээр онцгой дэглэм тогтоосны дараа 322 тэрбум төгрөгийн шатахууны тендерт шалгарсан

Хоёрдугаарт, Ерөнхий сайдын баталсан 55-р тогтоолоор олон улсын зах зээлд бүтээгдэхүүнээ худалдах эрхтэй хувийн ААН-үүдэд дотоодын биржийн үнээр АМНАТ төлөх давуу эрх олгосон. Гэтэл Ашигт малтмалын тухай хуульд АМНАТ-ийг тухайн олон улсын зах зээлийн үнээр нь тооцно гэж заасан. Өөрөөр хэлбэл хууль давсан тогтоол баталж, уул уурхайн хувийн ААН-үүдэд давуу байдал олгосон

Гуравдугаарт, Баянхонгор-Шаргалжуут чиглэлийн автозамын тендерт шалгарсан компанийн захирал нь Г.Занданшатарын хүүтэй нэг компанитай

Дөрөвдүгээрт, мөн Г.Занданшатарын хүүгийн хамаарал бүхий компани Тэмээтэй хөшөөний ойролцоо замуудад бродьюр сольж байгаа зэрэг мэдээллийг хэвлэлээс авч, өөрөө нягтлан шалгалаа.

Өнөөдөр УИХ-ын дарга Д.Амарбаясгаланг ажлаа өгөөд шалгуул гэж байх шиг байна. Тэгвэл би бас иргэн хүн, баланс хадгалаг гээд, Г.Занданшатарыг ч бас ажлаа өгөөд шалгуул гэж шаардахаар АТГ-т дээрх бүх материалыг өглөө” хэмээсэн байна.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй