МАН-ын бүлгийг УИХ-ын гишүүн Ж.Бат-Эрдэнэ ахалж байна. Нам доторх хагарал, тэмцэл явсаар түүний сандал суудлыг эргэж харах хэмжээнд хүрээд байгаа бололтой.
Л.Оюун-Эрдэнийн Засгийн газар огцорсны дараа УИХ дахь МАН-ын бүлгийн даргаар ажиллаж байсан Л.Мөнхбаатар ХЗДХ-ийн сайдаар томилогдсон. Ингэснээр бүлгийг хэнээр удирдуулах вэ гэдэг "уралдаан"-д 70-аад оны улстөрчдөөсөө Л.Энх-Амгаланг, 80-аад оны улстөрчдөөс Ж.Бат-Эрдэнийн нэр дэвшүүлсэн байдаг.
Харин олонхын саналаар Ж.Бат-Эрдэнэ сонгогдсон. Г.Занданшатар талынхан бүлгийн даргаа бол авч чадаагүй гэсэн үг.
Ж.Бат-Эрдэнэ дараа нь МАН-ын даргыг сонгох Бага хурлыг удирдсан. Одоогийн байдлаар Ж.Бат-Эрдэнийг хэт Д.Амарбаясгалангийн талд ажиллаж, УИХ дээрх тодорхой асуудлуудыг хайрцаглаж байна гэдэг эсэргүүцэл өрнөөд эхэлжээ.
Ардчилсан намын саналаас хамаарч УИХ-ын дарга нь Ерөнхий сайдтайгаа ч огцорч мэдэхээр нөхцөлд МАН бүлгийн дарга руугаа хүртэл ноцохдоо тулаагүй байлтай.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Улсын хөрөнгө мөнгө идсэн АБ ОЭ нар хариуцлага хүлээх ёстой.