Монголын Боловсрол, Шинжлэх ухааны Үйлдвэрчний эвлэлээс өнөөдөр хэвлэлийн бага хурал зохион байгууллаа.
Энэ үеэр Нийслэлийн хэмжээнд 78 сургууль, 160 гаруй цэцэрлэг нөгөөдөр буюу аравдугаар сарын 16-ны пүрэв гарагаас эхлэн ажил хаяна гэдгийг хэллээ.
Тэдний зүгээс БШУЯ-нд ажил хаялт эхлүүлнэ гэдгээ хуульд заасанчлан ажлын тав хоногийн өмнө буюу аравдугаар сарын 9-нд мэдэгдсэн аж. Харин БШУ-ы сайд П.Наранбаяр өчигдөр хэлэхдээ, үүнийг хууль бус ажил хаялт гэж онцолсон.
Тэгвэл МБШУҮЭХ-ны мэргэжилтэн Б.Галбадрах "Бид хууль зөрчөөгүй. Гурван талт хэлэлцээрийн хүрээнд болон бусад холбогдох тогтоол, баримт бичгээр асуудлыг заавал арбитраар шийдвэрлэнэ гэж заагаагүй. Тийм учраас бид нөгөөдрөөс эхлэн ажил хаялтаа эхлүүлнэ. Ажил хаясан хугацаанд үүссэн хохирлыг хариуцагч тал буюу БШУЯ хариуцах хуультай" гэлээ.
Тэд багш нарын цалинг нэмэгдүүлэх шаардлага тавин сүүлийн өдрүүдэд жагсаал хийж байгаа билээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Bolij vz bvv davar bagsh nar guai
Zamiin tseverlegchees baga tsalin avdag bagsh nar zuvhun Mongol ulsad baina.