38 гишүүний саналаар МАН-ын бүлэг даргагүйгээр хуралдаж, Г.Занданшатар оролцож байна
УИХ-ын гишүүн Н.Наранбаатар, Б.Заяабал нар өнөөдөр мэдэгдэл хийсэн. Ингэхдээ УИХ дахь МАН-ын бүлгийн 38 гишүүн нэгдэж, өнөөдөр 16.00 цагаас хуралдахаар болсон гэдгийг хэлсэн юм.
Бүлгийн дарга Ж.Бат-Эрдэнэ сүүлийн хоёр удаа, шалтгаангүйгээр бүлгийг хуралдуулаагүй хэмээн тэд тодотгоод, олонх учир 38 гишүүний бүрэлдэхүүнтэйгээр өөрсдөө хуралдах боломжтой хэмээсэн.
Харин УИХ-ын гишүүн Ж.Бат-Эрдэнэ маргааш 12.00 цагт хуралдаан товлосон гэдгийг мэдэгдсэн билээ.
Тэгвэл дээрх 38 гишүүн бүлгээ хуралдуулахаар танхимд орлоо. Уг хуралдаанд Ерөнхий сайд Г.Занданшатар оролцож байгаа нь анхаарал татав.
Нэг талаас Ерөнхий сайд Г.Занданшатарыг, нөгөө талаас УИХ-ын дарга Д.Амарбаясгаланг огцруулах бичиг өргөн баригдсан (аль аль нь МАН-ын гишүүдээс) энэ цаг үед УИХ дахь МАН-ын бүлэг ямар байр суурь дээр нэгдэх нь одоо хэр тодорхойгүй байгаа юм.
Ж.Бат-Эрдэнийн хувьд талууд ойлголцоогүй нөхцөлд бүлэг хуралдвал хоосон хэрүүл л болно гэдэг байр сууриа хуваалцаад байсан билээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ төр улсад удирдлага гэж байна уу?
Зандка огцороо