Аж үйлдвэр, эрдэс баялгийн яам шатахуун хомсдоод буй асуудлаар импортлогч аж ахуй нэгжүүдтэйгээ уулзалт хийжээ. Улмаар салбар яам болон ААН хамтарсан Ажлын хэсэг БНХАУ-ын экспортлогч компанитай уулзахаар Бээжин хот руу явж байгаа гэдэг мэдээлэл байна. Энэ хүрээнд евро-5 стандартын АИ-92 автобензинийг БНХАУ-аас авах хэмжээг ХОЁР ДАХИН нэмэгдүүлэх чиглэлээр хэлцлүүдийг хийнэ гэгдэж буй юм.
“GlobalPetrolPrices” сайт БНХАУ-д A-95 шатахуун хэр үнэтэй байгааг хамгийн сүүлд аравдугаар сарын 13-нд шинэчилжээ. Тус сайт БНХАУ-ын Үндэсний хөгжил болон шинэчлэлийн комиссыг эх сурвалж хэмээн дурдан 13-ны байдлаар шатахуун литр нь 7.59 юань байсан гэж мэдээлсэн юм. Одоогийн ханшаар бол энэ нь 3,828 төгрөг хүрнэ. Харин дизель түлш 6.7 юань буюу 3379 төгрөг байжээ.
БНХАУ-ын Үндэсний статистикийн хороо энэ сарын 10-нд бараа бүтээгдэхүүний үнийн тоо баримт нийтэлсэн юм. Тус тоо баримт нь есдүгээр сарын 21-нээс 30-ны хооронд бүртгэгдсэн үнийн дундаж. Нийтэлсэн статистикаас харвал A92 шатахуун тонн нь 8103.6 юань хүрсэн байна. Нэг тонн A92 шатахуун нягтаасаа хамаараад 1300-1400 литр байдаг. Дундажлаад 1350 литр гэж үзвэл 1 литр А92 түлш 6 юань буюу 3026 төгрөг болж байна.
Эх сурвалж: GlobalPetrolPrices, stats.gov.cn
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
92 нь Euro5,6 байх шүү