"Оюу толгой"-н удирдлагууд түр хорооны хуралдааныг "Аюултай нөхцөл" гэж үзээд, дахин ирсэнгүй
Өнөөдөр Оюу толгойн асуудлаар байгуулсан УИХ-ын түр хороон дээр,
- "Оюу толгой" ХХК-ийн ТУЗ-ийн дарга, гишүүд, гүйцэтгэх удирдлагын багийн танилцуулга, мэдээлэл сонсох хуваарьтай байсан.
Гэвч тус компанийн удирдлагууд, түр хорооны гишүүдэд хандан албан и-мейл илгээсэн байна. Үүндээ, "Уг хуралдаанд оролцох нь манай компанийн удирдлага, албан хаагчдын хувьд эрсдэлтэй байна. Иймд аюулгүй нөхцөл бүрдүүлж байж яриа хэлэлцээнд орохын тулд, хуралдаанд ирэх боломжгүй байна" гэсэн агуулгыг дурджээ.
Улмаар УИХ-ын гишүүн Б.Баярбаатарын хувьд: Энд аюултай нөхцөл байгаа бол "Оюу толгой" ХХК дээр бид өөрсдөө очиж, мэдээллээ авъя гэдгийг,
УИХ-ын гишүүн С.Зулпхарын хувьд: Үнэхээр тухайн компанийн албан хаагчдид нээлттэй хуралдаанд мэдээлэл өгөх нь эрсдэлтэй байгаа бол, УИХ хүний эрхийг дээдлэн ажиллах стратегитэй тул, хуралдаанаа хаалттай явуулъя гэдгийг,
УИХ-ын гишүүн Б.Бат-Эрдэнийн хувьд: Ихэнх материал нууцын дардастай байна. Иймд ер нь хуралдааныг хаалттай хийж, "Оюу толгой" ХХК-ийнхныг дуудвал яасан юм гэдгийг тус тус хэлсэн.
Түр хорооны дарга, УИХ-ын гишүүн О.Батнайрамдал хуралдааныг үргэлж нээлттэй явуулах зарчим баримталж байгаагаа илэрхийлсэн. Иймд өнөөдрийн хэлэлцэх асуудлаас "Оюу толгой" ХХК-тай холбоотой хэсгийг хасаж, Засгийн газраас байгуулсан ажлын хэсгийн мэдээллийг сонслоо.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Оюу толгойг авилгадаж өөрийн болгосон Рио тинтог хөөж гарга