Казахстан улс ням гарагт /2025.11.30/ мэдэгдэл гаргахдаа Хар тэнгис дэх Каспийн хоолойн консорциумын терминал руу довтлохоо зогсоохыг Украинд хэлжээ. Тус терминалын дэд бүтэц Украины дроны халдлагын улмаас ноцтой хохирол амсаж, газрын тосны экспортоо зогсоосон юм. Каспийн хоолойн консорциум нь дэлхийн газрын тосны нийлүүлэлтийн нэг хувийг бүрдүүлдэг.
Казахстаны Гадаад хэргийн яам мэдэгдэл хийхдээ тэрхүү дроны халдлага нь олон улсын эрх зүйн хэм хэмжээгээр хамгаалагдсан иргэний байгууламж руу хийсэн гурав дахь халдлага байсан гэжээ. Тус яам уг халдлагыг эсэргүүцэж буйгаа мэдэгдэн, Казахстан болон Украины харилцаанд хор хөнөөл учруулсан үйлдэл учир ирээдүйд ижил төстэй явдлаас урьдчилан сэргийлэх арга хэмжээ авна гэж найдаж буйгаа илэрхийлсэн юм.
Украин мэдэгдэл хийхдээ эдгээр үйлдэл нь Казахстан эсвэл гуравдагч орны эсрэг чиглээгүй харин ОХУ-ын түрэмгийллийг няцаах зорилготой гэжээ. “Украин зөвхөн түрэмгийлэгчид цохилт өгдөг” гэж Украины Гадаад хэргийн яам мэдэгдсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.