НИЙГЭМНийгэм мэдээ
Улаанбурхан өвчнөөр 24 хүн эмчлүүлж байгаагаас хүнд дөрөв, нэн хүнд нэг иргэн байна
Халдварт өвчин судлалын үндэсний төвөөс улаанбурхан өвчний нөхцөл байдлын мэдээг танилцууллаа. Өнөөдрийн байдлаар буюу 12-р сарын 25-ны байдлаар эмнэлэгт хэвтэн эмчлүүлж байгаа 24, гэрийн хяналтад 25 иргэн байгаа аж. Үүнээс ХӨСҮТ-д 12 иргэн эмчлүүлж байгаа бол орон нутагт 12 иргэн эмчлүүлж байна.
Эмчлүүлж буй иргэдийн биеийн байдлаар нь авч үзвэл
- -Дунд 7 иргэн
- -Хүнд 4 иргэн
- -Нэн хүнд 1 иргэн байгаа аж.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвд очин цахим бүртгэлийн програмд бүртгүүлэх шаардлагатай байна. Хэрвээ улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг улаанбурхан өвчнөөс хамгаалахыг анхаарууллаа.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.