АНУ-ын Ерөнхийлөгч Доналд Трамп Венесуэльд цэргийн ажиллагаа явуулсныхаа дараа Данийн вант улсын Гринландыг хяналтдаа авна гэж мэдэгдсэн. Түүнийг ингэж хэлсэнд Европын холбоотнууд санаа зовж, ямар хариу арга хэмжээ авч болох талаар хэлэлцэж эхэлсэн юм.
Тэгвэл Дани улс 1952 онд баталсан цэргийн удирдамжийн дагуу хэн нэгэн Данийн газар нутаг руу халдвал цэргүүд нь дээрээс тушаал хүлээлгүй шууд ал нээх ёстой байдаг аж. Данийн батлан хамгаалах яам мэдэгдэхдээ тэрхүү удирдамж хүчин төгөлдөр хэвээр байгаа гэжээ. Хэрэв АНУ НАТО-гийн холбоотон орныхоо газар нутаг руу дайрвал олон улсад үүсээд буй хурцадмал байдал шинэ түвшинд гарна. Гринланд нь стратегийн хувьд чухал байршилтай тул АНУ-ын аюулгүй байдлыг хангахын тулд заавал хяналтдаа авах ёстой гэж Трамп үзэж байгаа билээ.
Данийн Ерөнхий сайд Метте Фредериксон анхааруулахдаа, АНУ НАТО-гийн гишүүн орон руу халдвал тус холбоо болон дэлхийн аюулгүй байдлын дэг жаяг нуран унана хэмээсэн юм.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
“ал нээх” ээ?