Москвад цагдаагийн машины хажууд бөмбөг дэлбэлсний улмаас нэг офицер амь үрэгджээ
Мягмар гарагт /2026.02.24/ Москва хотод нэгэн эрэгтэй цагдаагийн машины хажууд бөмбөг дэлбэлсний улмаас нэг офицер амь үрэгдсэн байна. ОХУ-ын Дотоод хэргийн яам мэдээлснээр халдлагын улмаас хоёр цагдаагийн алба хаагч бэртжээ. Тус яам мэдээлснээр дэлбэрэлт Савеловскийн төмөр замын буудлын талбайд шөнө дундаас хойш болсон байна. Савеловский нь Москвагийн хойд хэсэгт оршдог төмөр замын гол буудлуудын нэг юм.
Халдагч эргүүлийн машиндаа сууж буй цагдаагийн алба хаагч нар дээр дөхөж очоод тэсрэх бөмбөгөө дэлбэлжээ. Хэрэгтэн газар дээрээ нас барсан байна. Албаныхан халдагчийн сэдлийн талаар мэдээлэл өгөөгүй юм. 2025 оны арванхоёрдугаар сард Москвагийн өмнөд хэсэгт ОХУ-ын генерал амь насаа алдсан газрын ойролцоо сэжигтэй этгээд бөмбөг дэлбэлсний улмаас хоёр цагдаагийн алба хаагч амь үрэгдсэн. Украины дайн эхэлснээс хойш ОХУ-ын зэвсэгт хүчний албан тушаалтнууд амь үрэгдсэн хэд хэдэн тохиолдол гарсан билээ.
Эх сурвалж: The Moscow Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.