СПОРТ
Корона вирусийн улмаас “MFC-3” тэмцээнийг хойшлууллаа
Холимог тулааны MFC холбооноос “MFC-3” олон улсын тэмцээнийг хоёрдугаар сарын 1-нд “Аса цирк”-д зохион байгуулахаар товлосон билээ. Монгол Улсын Ерөнхий сайд У.Хүрэлсүхийн ивээл дор болох тус тулааныг корона вирусийн улмаас хойшлуулжээ. Улмаар гуравдугаар сарын 7-нд хийхээр болов.
“MFC-3” тулаанд Монгол, АНУ, Япон, Буриад, Тува улсын тамирчид өрсөлдөнө. Манай улсаас эх орноо төлөөлөн Д.Батсүмбэрэл, “Ангууч” хочит Б.Баттөр, Б.Бүрэнзориг, Т.Ариунболд, А.Гантүлхүүр тэргүүтэй Монголын шилдгүүд тулалдана.
“MFC-3” тэмцээний оргилд тулаанд БНСУ-ын “Road FC” холбооны тамирчин М.Нандин-Эрдэнэ, “Драгон хаус” холбооны аварга Н.Отгонбаатар нар өрсөлдөнө. Тэд өнгөрсөн жил аваргын төлөө тулалдахад М.Нандин-Эрдэнэ ялсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.