Өнөөдөр /2020.03.01/ Эрүүл мэндийн яамнаас “COVID-19” халдварын цаг үеийн ээлжит мэдээллээ хийлээ.
ЭМЯ-ны Эмнэлгийн тусламжийн газрын дарга Я.Буянжаргал “Өнгөрсөн баасан гарагт /2020.02.28/ ДЭМБ-тай хийсэн цахим хурлаар нөхцөл байдал арай өөрчлөгдөн гэр бүл, найз нөхдийн хүрээнд вирус тархах нөхцөл давамгайлж байна гэдгийг хэлсэн. ДЭМБ-аас иргэдийн сэтгэл зүйн бэлтгэлийг хангаж, иргэдийг гэрт нь өөрийгөө тусгаарлах талаар мэдлэг олгох, өөрийгөө хамгаалж чадна гэдгийг сайтар ойлгуулах нь нэн чухал хэмээн зөвлөсөн. Мөн бид БНСУ-аас оношлуур авахаар ОХУ, БНХАУ-тай хамтран ажиллаж байна” гэдгийг онцлов.
Одоогийн байдлаар 16 сэжигтэй тохиолдол, 309 хүн ажиглалтад байгааг хэлэв. Үүнээс Цэргийн төв эмнэлэгт 65, Хоёрдугаар эмнэлэгт 9, Асралт Мед Эмнэлэгт 3, Жаргалантад 41, Баян-Өлгий Орхон Сэлэнгэ Хэнтий Дорнод зэрэг аймагт бусад тохиолдлууд байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.