Жүдо бөхийн Парисын “Их дуулга” тэмцээн өнөөдөр эхэллээ. 122 орны 800 жүдоч зодоглож буй тус тэмцээнд манай улсаас эрэгтэй 12, эмэгтэй найман бөх барилдаж байна.
Эмэгтэйчүүдийн 48 кг-д барилдсан ДАШТ-ий алт, мөнгө, хүрэл медальт, Гавьяат тамирчин М.Уранцэцэг, эрэгтэйчүүдийн 60 кг-д барилдсан ДАШТ-ий мөнгөн медальт, Гавьяат тамирчин Д.Амартүвшин нар хүрэл медаль хүртсэн талаар бид өмнө нь мэдээлсэн.
Тэдний амжилтыг эрэгтэйчүүдийн 66 кг-д өнгөрсөн жил ДАШТ-д V байрт шалгарсан Ё.Басхүү үргэлжлүүлэв.
Тэрбээр хүрэл медалийн төлөөх барилдаанд Израилын бөх Б.Шмайловыг нэмэлт цагт яллаа.
Ё.Басхүү хагас шигшээд олимпын мөнгө, ДАШТ-ий нэг алт, гурван хүрэл медальт, БНСУ-ын жүдоч Ань Ба-Үльд дийлдсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ ямар Олимп, Дэлхийн аваргын тэмцээн байгаа биш тамирчиддаа бусад өрсөлдөгчөө судлах , хэдэн оноо авах ач холбодолоос өөр юмгүй л тэмцээншт. Юундаа ч урам сэргэх вэ дээ