Биеийн тамир, спортын тухай хуулийн 9.1.4 дэх заалтыг хэрэгжүүлэх зорилгоор Боловсрол, соёл, шинжлэх ухаан, спортын сайдын 2018 оны А/167 дугаар тушаалаар “Үндэсний шигшээ багийг бүрдүүлэх, спортын төрлийг сонгох, санхүүжүүлэх журам”-ыг баталсан. Үүний дагуу олимпын үндсэн төрөл болох мпортын гимнастикийн эрэгтэй төрлөөр “Үндэсний шигшээ баг”-ийг бүрдүүлэх тул дасгалжуулагчдыг сонгон шалгаруулалтад оролцохыг урьжээ.
Сонгон шалгаруулалтад нэр дэвших хүсэлтэй спортын гимнастикийн дасгалжуулагчид “Үндэсний шигшээ багийг бүрдүүлэх, спортын төрлийг сонгох, санхүүжүүлэх журам”-ын 4.1 дэх хэсгийн 4.1.5, 4.2 дэх хэсгийн 4.2.1-4.2.5, 4.4 дэх хэсгийн 4.4.1-4.2.6-д заасны дагуу 2020 оны 02 дугаар сарын 20-ны өдрийн 14:00 цаг хүртэл хугацаанд материалыг Монголын гимнастикийн холбоонд хүлээн авна.
Тус сонгон шалгаруулалтын шаардлага хангасан дасгалжуулагчид 2020 оны хоёрдугаар сарын 21-ний өдөр 10:00-14:00 цагийн хооронд мэргэжлийн нэгдсэн шалгалтад орох юм.
Сонгон шалгаруулалтад бүрдүүлэх материал:
- Өргөдөл,
- Цээж зураг 4% (35 х 45 мм)
- Гурван үеийн намтар,
- Төрийн албан хаагчийн анкет,
“Үндэсний шигшээ багийн дасгалжуулагчийг сонгон шалгаруулах журам”-ын 4.1 дэх хэсгийн 4.1.5, 4.2 дэх хэсгийн 4.2.1-4.2.5, 4.4 дэх хэсгийн 4.4.1-4.2.6-д заасан шаардлагыг хангаж буй бусад нотлох бичиг баримт (нотариатаар баталгаажсан)-ууд байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.