Эрүүл мэндийн яамнаас коронавирусийн нөхцөл байдлын талаар өнөөдрийн ээлжит мэдээлэл хийлээ. Монголд нөхцөл байдал ямар байгаа талаар ХӨСҮТ-ээс мэдээлэв.
ХӨСҮТ-ийн захирал Д.Нямхүү: “ Өчигдөр буюу долдугаар сарын 19-нд ХӨСҮТ-ийн болон Дархан-Уул аймгийн вирус судлалын лабароторид нийтдээ 330 хүнд коронавирус илрүүлэх шинжилгээ хийсэн. Эдгээр хүмүүсийн хариу СӨРӨГ буюу коронавирус илрээгүй. Тодруулбал, долдугаар сарын 4-нд Токио-Улаанбаатарын онгоцоор ирсэн 253 хүний давтан шинжилгээ, ХӨСҮТ-д сэжигтэй гэж тусгаарласан долоон хүний давтан шинжилгээ, Ханги боомтоор орж ирсэн жолооч нар болон Алтанбулаг боомтоор орж ирсэн тээврийн жолооч нарын шинжилгээнд коронавирус илрээгүй. Мөн эдгэрч ХӨСҮТ-өөс гараад сувилалд байгаа 24 хүнд хяналтын шинжилгээ хийхэд вирус илрээгүй. Нийт батлагдсан тохиолдол 287 байгаагаас 213 нь эдгэрсэн. Одоо ХӨСҮТ-д эмчлэгдэж байгаа 74 хүний 64-ийнх нь биеийн байдал хөнгөн, 10 нь хүндэвтэр гэж үнэлэгдсэн. Нэг жирэмсэн эмэгтэй эмчилгээнд байгаа гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.