ЭМЯ-ны мэдээллийн үеэр тус яамны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл дараах мэдээллийг өглөө.
Коронавирусийн халдвар дөрөвхөн хоногийн дотор эрчимтэй нэмэгдэж, сая саяар өвчилж байна. 24 цагийн дотор дэлхий дахинд 278 мянган хүн шинээр өвчилж, 6000 гаруй хүн нас барсан. Бохир усыг шинэчлэх шаардлагатайг ДЭМБ-аас анхааруулж байна. Яагаад гэвэл сүүлийн үед дэлхийн олон оронд бохир уснаас коронавирусийн халдвар илэрсэн. 24 цагийн хугацаанд ОХУ-д 5244 хүн халдвар авч, 119 хүн нас барсан. Харин БНХАУ-д 120 тохиолдол шинээр бүртгэгдсэнээс зургаа нь гадаадаас зөөвөрлөгдөж орж ирсэн.
Мөн тэрээр цагаан хаданд өчигдөр нас барсан жолоочийн талаар, шинжилгээний хариу арай гараагүй байна. Урьдчилсан байдлаар зүрхний асуудлаас болж нас барсан гэсэн оноштой байна. Өчигдөр өглөө биеийн байдал тавгүй байна гэж хамт ажилладаг жолооч нарт хэлсэн байсан. Ингээд эмнэлэгт хүргэгдэх замдаа нас барсан. Урьдчилсан байдлаар коронавирусийн шинж тэмдэг илрээгүй. Зарим хэвлэл мэдээллийн хэрэгслүүдээр цацагдсан шиг өндөр халуурсан гэдэг нь ташаа мэдээлэл. Биедээ ил харагдах шарх сорвигүй байсан. Цагдаа болон эрүүл мэндийн байгууллага хамтран ажиллаж шалгалтын ажиллагааг хийж байна гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.