Жимс түүхээр яваад сураггүй алга болоод байсан эмэгтэй онцгой байдлын газрын алба хаагчид эсэн мэнд олжээ.
Тодруулбал, Төв аймгийн Мөнгөнморьт суманд “Бор хоньт” гэдэг газар 60 настай, эмэгтэй иргэн С наймдугаар сарын 11-ний өдрийн 07:00 цагт уул руу жимсэнд яваад сураггүй болсон тухай дуудлагыг аймгийн онцгой байдлын газар 20:45 цагт хүлээн авчээ.
Тус аймгийн Онцгой байдлын газрын Мөнгөнморьт сум дахь Гал түймэр унтраах, аврах 75 дугаар ангийн алба хаагчид, ар гэрийнхний хамт мөн өдрийн 21:00 цагаас эрэн хайх ажиллагааг зохион байгуулж, өчигдөр буюу наймдугаар сарын 12-ны өдрийн 09:40 цагт сураггүй болсон газраас баруун зүгт 3 км-т “Бор хоньт” гэдэг газраас эсэн мэнд олжээ.
Эх сурвалж: ОБЕГ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.