Нийгмийн
8 монгол, 3 орос иргэнээс коронавирус илэрчээ
Эрүүл мэндийн яамнаас мэдээлэл хийлээ.
Энэ үеэр ХӨСҮТ-ийн ерөнхий захирал Д.Нямхүү “23-25-ны өдрүүдэд ХӨСҮТ, ЗӨСҮТ, Дархан-Уул, Сэлэнгэ аймгийн вирус судлалын лабораторид 1189 сорьцод шинжилгээ хийхэд 1178 хүнээс халдвар илрээгүй. Харин 11 хүнээс коронавирус илэрлээ. Үүнд,
- Аравдугаар сарын 24-нд Франкфуртээс ирсэн нэг 14 настай хүүхэд
- Аравдугаар сарын 23,24-нд Алтанбулаг хилийн боомтоор орж ирсэн 46,50 настай хоёр жолооч. Тэд хоёул ОХУ-ын иргэн юм.
- Аравдугаар сарын 22-нд Алтанбулаг боомтоор орж ирсэн 2-38 насны 8 иргэнээс халдвар илэрсэн.
Тэдний гурав нь ОХУ-ын иргэн, найм нь Монгол Улсын иргэн байна.
Ингээд батлагдсан тохиолдол 339 боллоо. Үүнээс 312 хүн эдгэрсэн бөгөөд өнөөдрийн байдлаар ХӨСҮТ-д 27 хүн эмчлүүлж байна” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.