ТАНИЛЦ: Тэдний дээл, бээлий сэлт өчигдрийн дуудлага худалдаанд хэдээр зарагдсан бэ

Өчигдөр /2020.12.30/ “Хүүхдийн төлөө фонд” НҮТББ-ын дансанд цугларах эхний хандивыг босгох зорилготой “Бүхнийг хүүхдийн төлөө” теле концерт тоглогдсон. Концертыг 13 телевиз зэрэг шууд дамжуулсан.

Үүгээр нийт 2.2 тэрбум төгрөг цугласан юм. Мөн Хотын даргын зүгээс 11 км.кв газар бэлэглэсэн.

Мөн энэ үеэр монголчуудын олны танил эрхмүүдийн эд хэрэглэлийн зүйлс дуудлага худалдаагаар үнэ дуудуулсан. Үүнд Н.Түвшинбаяр аваргын кимоно, Б.Бат-Эрдэнэ гишүүний дээл зэрэг  багтаж байгаа юм.

• Монгол Улсын Хөдөлмөрийн баатар, гавьяат тамирчин, дархан аварга, УИХ-ын гишүүн Б.Бат-Эрдэнийн дээлний дуудлага худалдааны анхны үнэ нь 9 сая төгрөгөөр тогтож, 38.5 сая төгрөгөөр
• Монгол Улсын Хөдөлмөрийн баатар, гавьяат тамирчин, олимпийн алт, мөнгөн медальт Н.Түвшинбаярын кимоногийн дуудлага худалдааны анхны үнэ нь 9 сая төгрөгөөр тогтож, 25 сая төгрөгөөр
• Монгол Улсын хөдөлмөрийн баатар, гавьяат тамирчин, олимпийн алтан медальт Э.Бадар-Ууганы боксын ширэн бээлийний дуудлага худалдааны анхны үнэ нь 9 сая төгрөгөөр тогтож, 21 сая төгрөгөөр
• Тод манлай уяач Э.Эрдэнэчулууны Монгол төрийн наадамд зургаа түрүүлсэн домогт хурдан ажнай шаргын удам хээлтэй гүүний дуудлага худалдааны анхны үнэ нь 99 сая төгрөгөөр тогтож 200 сая төгрөгөөр тус тус зарагдлаа.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй