Украины Ерөнхийлөгч Володимир Зеленскийн ойрын хүн, Киевийн хэлэлцээний багийг ахладаг Андрей Ермак авлигын хэрэгт холбогдсон тул огцорсон байна. Баасан гарагт /2025.11.28/ түүний гэрийг авлигын эсрэг алба нэгжсэн юм. Үүнээс хэдхэн цагийн дараа тэр ажлаа хүлээлгэн өгчээ. Зеленский уг явдлын дараа “ОХУ Украиныг алдаа гаргаасай гэж хүсэж байгаа. Бид алдаа гаргахгүй” гэж хэлсэн байна.
Ермак нь Зеленскийг инээдмийн жүжигчин байх үеэс л түүний дотны найз байжээ. 2019 оны ерөнхийлөгчийн сонгуульд Ермак томоохон үүрэг гүйцэтгэсэн. Тэр цагаас хойш Ермак Зеленскийн захиргаанд гол шийдвэр гаргагч болсон юм. Ермак мэдэгдэл хийхдээ түүний орон сууцыг нь нэгжсэн гэдгийг баталж, албаныхантай хамтран ажиллаж байгаа хэмээжээ. Түүний гэрийг ямар хэрэгтэй холбогдуулан нэгжсэн нь тодорхойгүй байгаа юм.
Украины авлигатай тэмцэх хоёр алба эрчим хүчний салбарт гарсан 100 сая ам.долларын авлигын хэргийг илрүүлсэн. Дайн үргэлжилж, ОХУ Украины эрчим хүчний дэд бүтцэд хүнд цохилт өгч буй ийм эгзэгтэй мөчид авлигын хэрэг илэрсэн нь ихээхэн шүүмжлэл дагуулсан билээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хойд солонгост бол зөвхөн пьхенянд л амьдрал сайхан бусад газар нь амьдрал хэцүү, харин ОХУ-д зөвхөн москвад л амьдрал сайхан бусад газар нь амьдрал хэцүү том жижиг 2 хувилбар мэт боловч ОХУ нь чөлөөт эдийн засагтай хувийн өмчтэй байж болдог, нэг хүнд ноогдох ДНБ-ээрээ бол тэнгэр газар 2 шиг ялгаатай. Хойд солонгосын амьдрахад хамгийн таатай нийслэл пьхенян хот нь ОХУ-ын хамгийн алс хязгаарт оршдог Владивостокыг гүйцэхгүй, владивостокоос ч илүү ядуу хот.
мөнгөнд дургүй хүн.байдаг уу???
АНУ,Европийн холбооноос Украйнд даллор,зэвсэгийг сүүлийн 3 жил ёстой хангалттай өгсөн байдаг.Үр дүн ямар байгааг одоо харж болох байх.