Эрүүл мэндийн байгууллагад ашиглаж буй 14 нэр төрлийн эмнэлгийн тоног төхөөрөмжид олон улсын жишигт нийцсэн симулятор, анализатораар шалгалт тохируулга хийх Ажлын хэсгийнхэн аймгийн Нэгдсэн эмнэлэгт ажиллажээ.
Тус ажлын хүрээнд аймгийн Нэгдсэн эмнэлэг, Эрдэнэбулган сумын Өрхийн эрүүл мэндийн төвүүд, 17 сумын эрүүл мэндийн төв, сум дундын 2 эмнэлэг, болон хувийн хэвшлийн 4 эмнэлэг нийт 25 эрүүл мэндийн байгууллагын 240 ширхэг эмнэлгийн эмчилгээ оношлогооны тоног төхөөрөмжид дахин баталгаажуулалт хийсэн байна.
Ийнхүү тоног төхөөрөмжийн ажиллагааны хэвийн байдлыг хангах, баталгаажсан тоног төхөөрөмжөөр иргэдэд эрүүл мэндийн тусламж үйлчилгээг үзүүлэх боломжтой болох юм.
Эрүүл мэнд, спортын сайдын 2015 оны 249 дүгээр тушаалаар батлагдсан “Эмнэлгийн тоног төхөөрөмжид шалгалт тохируулга хийх журам”, Эрүүл мэндийн сайдын 2018 оны “Эмнэлгийн тоног төхөөрөмжийн ашиглалт, хэвийн үйл ажиллагааг хангах тухай” 01 дүгээр албан даалгаврын хэрэгжилтийг хангах зорилгоор хийжээ.
С.ХОНГОРЗУЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.