Хариуцлага алдсанаас өвчтөн эмнэлгийн гадаа нас барсан тул дунд шатны удирдагуудыг ажлаас нь чөлөөллөө
“Энэрэл” эмнэлгийн гадаа нас барсан коронавируст халдвартай иргэний асуудалд хариуцлага тооцож, хэд хэдэн албан тушаалтнуудыг ажлаас нь чөлөөлжээ. Үүнд Нийслэлийн “Энэрэл” эмнэлгийн дарга А.Амартүвшин, НТТТ-ийн дарга Ц.Пүрэвдаш, НЭМГ-ын хэлтсийн дарга М.Мөнхдэлгэр нар багтсан байна.
НЭМГ-ын Эмнэлгийн тусламжийн хэлтсийн дарга М.Мөнхдэлгэр нь шуурхай жижүүртэй хугацаандаа амралтад явсан байж гэх мэдээлэл байна. Энэ хооронд нь коронавируст халдвартай иргэн эмнэлгийн тусламж авч чадалгүй нас барсан дээрх үйл явдал болов. Тэрбээр Нийслэлийн Засаг дарга асан Ц.Батбаярын эхнэр.
НТТТ буюу 103-ын ажилчид талийгаачийн дэргэд байсан ч ямар нэг тусламж үзүүлээгүй гэх. Энэ үүднээс тус төвийн дарга Ц.Пүрэвдашид ч мөн ийн хариуцлага тооцсон байна.
Харин “Энэрэл” эмнэлэг нь НЭМГ-ын харьяа эмнэлэг тул энэ шугамаар дарга А.Амартүвшинд мөн хариуцлага тооцжээ. Гадаа нь өвчтөн тусламж хүссээр байхад тус эмнэлгээс ямар ч эмч тоож, гарч ирж үзээгүй нь шалтгаан болжээ.
Өчигдөр буюу долдугаар сарын 3-ны өдөр коронавируст халдвартай иргэн цээжний рентгэн зургаа бариад “Энэрэл” эмнэлгийн гадаа нас барсан байдаг. Түүнийг хэвтүүлэх ор байхгүй гэдэг шалтгаанаар дотогш оруулаагүй бөгөөд талийгаач тусламж үзүүлэх хэн нэг эмч, эмнэлгийн байгууллагын ажилтныг хүлээж байгаад ийн амьсгал хураасан юм.
Шийдвэр гаргах түвшинд коронавируст халдвартай тэмцэх зохион байгуулалтын нөхцөл, боломжуудыг гаргаж ажиллаж байгаа ч дунд шатны удирдлагуудын хариуцлагагүй, назгай байдал бодит амьдрал дээр асуудал хүндрэх гол шалтгаан болж буй гэлтэй.
М.ТЭНГИС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хар�##�с�##�тай. Гэхдээ эмч эмнэлгмйнхэн тулсан ача�##��##�тай эмнэлэг дүүрэн өвчтөн аргагүй байсан л даа. ....Ямартайч эмч эмнэлгийнхэнийгээ харааж зүхэж огт болохгүй ээ.
Ene hezeech arilahgui
eruul mednii salbar dood tuvshindee anhan shatni ajilchid bas hariutslaggui
Хүн ардынхаа төлөө энэ аюултай тах�##�тай нойр хоолгүй тэмцэж байгаа эмч эмнэлгийн ажилчидын нэр хүндийг унагаж байгаа иймэрхүү нөхдүүдтэй ажлаас нь х�##�аад зогсохгүй хүн амьны хариуц�##�га тооцох хэрэгтэй хүний амь золбин нохойны амь ижил дайнд очисонд харамсан байна энэ дунд туша�##�ын дарга нэртэй шун�##�уудыг бүгдийг солих хэрэгтэй
Тухайн үед байсан эмч сэтгэл гаргасан бол.
Нийслэлийн эрүүл мэндийн газар дампуу юм аа . Амр�##�танд яваад байхдаа яахав дээ.