УИХ-ын гишүүн Д.Батлут, Н.Наранбаатар, Ш.Адьшаа, М.Оюунчимэг, С.Бямбацогт, Б.Баттөмөр нарын 20 гишүүний хамтаар санаачлан боловсруулсан Үйлдвэрлэл, технологийн паркийн эрхзүйн байдлын тухай хуулийн төслөө УИХ-ын дарга Г.Занданшатарт өргөн барилаа.
Анх 2003 онд үйлдвэрлэл технологийн парк байгуулах төрийн бодлого гарч, тус хуулийг 2009 онд УИХ-аар батлаж байсан. Гэвч үйлдвэрлэлийг бодитойгоор дэмжих зохицуулалтууд тусгагдаагүй, хуулийн хэрэгжилт хангалтгүйн улмаас манай улсын үйлдвэрлэлийн хөгжил дэвшилд ахиц гаралгүй өдийг хүрээд байна.Тэгвэл энэхүү хуулийн төсөл батлагдсанаар:
-Манай улс импортоос хараат бус болж дотоодынхоо хэрэгцээг хангадаг болох
-Бүх салбарийн үйлдвэрлэл эрхлэлтийг дэмжин эдийн засгаа солонгоруулж экспортлогч улс болох
-Паркуудын дэд бүтцийг төрөөс бүрэн шийдвэрлэж үйлдвэрлэл цогцоор хөгжих боломж 100 хувь бүрдэх
-Түүхий эдийг боловсруулж нэмүү өртөг шингэсэн бүтээгдэхүүн бий болгож төсвийн орлогыг нэмэгдүүлэх.
-Гадаад худалдааны эргэлт сайжирч улсын эдийн засагт эерэг нөлөө үзүүлэх
-Дагуул хотуудыг бий болгож ажлын байрыг нэмэгдүүлэх
-Гадаадын хөрөнгө оруулалт татах таатай боломж бүрдүүлэх
-Үйлдвэрлэл эрхлэгчдээ санхүү, татварын бодлогоор дэмжих боломж бий болох
-Жижиг дунд үйлдвэрлэл, өрхийн үйлдвэрлэл үйлчилгээ бүрэн утгаараа хөгжих зэрэг олон талын ашиг сонирхлыг хангасан эрх зүйн орчин үндсээрээ бүрдэх юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.