Бэртэл, гэмтлийн улмаас сүүлийн хоёр улиралд амжилт нь саараад байсан “Алтан мужийн дайчид” багийнхан 2021-2022 оны улиралд эргэн эрэлт хийсээр Өрнөд бүсийн аварга боллоо.
Тэд бүсийн аваргын төлөөх тоглолтод “Даллас Маверикс” багтай учраа таарсан. Улмаар тав дахь тоглолтод өрсөлдөгчөө 120:110-аар хожлоо.
Ингэснээр цувралын харьцаа 4:1 болж, “Golden State Warriors” баг NBA-ийн аваргын төлөө тоглох эрх өвөртөллөө.
Өнөөдрийн тоглолтод Клэй Томпсон 32, Уиггинс 18, Грийн 17, Стифен Карри 15 оноо авч, багаа хожилд хөтлөв.
“Даллас”-аас багийн лидер Дончич 28, Финни-Смит 13, Брансон 10 оноо авчээ.
Финалын үнэ цэнтэй тоглогч буюу MVP-ээр “Warriors”-ын лидер Стифен Карри тодорлоо.
Одоо “Алтан мужийн дайчид” аваргын төлөө “Бостон селтикс”, “Майами хит” багийн хожсонтой тоглоно.
“Warriors” баг NBA-ийн зургаан түрүүтэй. Тэд 1947, 1956, 1975, 2015, 2017, 2018 онд аваргын цом өргөж байв. Одоо долоо дахь түрүүгээ хүртэхийн төлөө зүтгэх нь.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.