Өнгөрсөн дөрөвдүгээр сарын 26-нд Нийслэлийн худалдан авах ажиллагааны газрын /НХААГ/ хоёр ажилтныг АТГ-аас тусгай ажиллагаа явуулан, саатуулсан.
Саатуулагдсан ажилтнуудын гэр, албан тасалгаанд нэгжлэг хийсэн бөгөөд автомашинаас нь 8000 мянган ам.доллар илэрсэн байдаг. Тэдний зүгээс “БНСУ-д ажилладаг ах дүү нараас ирсэн валютыг автомашиндаа авч явсан” гэсэн тайлбар, мэдүүлэг өгсөн талаар бид мэдээлж байв. Тэгвэл АТГ-аас тэдэнд холбогдох хэргийг яллах дүгнэлт үйлдүүлэхээр прокурорт шилжүүлжээ.
Эх сурвалжуудын мэдээллээр тэд НХААГ-ын ахлах мэргэжилтэн А.Ариунсанаа, С.Болдбаатар нар байсан бөгөөд АТГ-аас баривчилж, гэрт нь, албан өрөөнд нь нэгжлэг хийсэн ч өөр мөнгө болон хахууль авсан шинжтэй зүйлс илрээгүй байна. Тиймээс тэднийг суллаж, хилийн хориг тавиад байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.