Хойд Солонгос: Ким Жон Ун улам "чангарч" буйн шалтгаан юу вэ

БНАСАУ зэр зэвсгийн туршилтаа сүүлийн үес эрх эрчимжүүлж, хөрш төдийгүй бүс нутгийнхаа улс орнуудыг түгшээх болсон билээ. Хойд солонгосчууд сүүлийн нэг сарын хугацаанд Японы дээгүүр пуужин харваж, дайсагнах, өдөөн хатгасан үйлдлийг урьд хожид байгаагүй олон давтамжтайгаар хийсэн. Мөн хэд хэдэн баллистик пуужин харваж, Өмнөд Солонгостой хиллэдэг хилийн ойролцоо байлдааны онгоцууд нисгэн, 2018 онд энхийг сахиулах зорилгоор хоёр Солонгосын байгуулсан цэргийн хамгаалалтын бүсэд далай руу олон зуун их бууны сумаар галласан юм. Тус улс хийгээд удирдагч Ким Жон Ун ийнхүү цэрэг дайны үйл ажиллагаанд эрс анхаарах болсон шалтгааны талаар ВВС агентлагт мэдээлэл гарсныг орчуулан хүргэж байна.

Даваа гарагт Хойд Солонгосын худалдааны хөлөг онгоц тус улсын тэнгисийн хилийг давж, хоёр тал анхааруулга буудлага хийжээ. Энэ халдлагыг Өмнөд Солонгос улс санаатайгаар халдсан хэмээн мэдээлсэн байна.

Хойд Солонгос улс пуужин харвах гурван шалтгаан бий. Үүнд, зэсвгийн технологио сайжруулах, дэлхий дахинд улс төрийн зурвас илгээх /тэр дундаа АНУ/, мөн ард түмнээ дэглэмд үнэнч байлгах ажээ. Тус улс пуужин хөөргөсөн талаар Ким тайлбарлахдаа АНУ, Өмнөд Солонгос, Японы явуулж буй цэргийн сургуулилтуудын хариуд болсон үйл ажиллагаа хэмээн хэвлэл мэдээллээрээ мэдээлжээ.

Ким Жон Ун өнгөрсөн жил таван жилийн төлөвлөгөөгөө гаргаж, бүтээх шинэ зэвсгүүдээ нарийвчлан тодорхойлсон юм. Үүнд, жижиг цөмийн бөмбөг, тэдгээрийг зөөвөрлөх богино тусгалын пуужингууд багтжээ. Хойд Солонгос улсын хийж буй үйлдлээс цэргүүдээ зэвсэг хэрэглэхэд сургаж байгаагийн нотолгоо гэж үзэж байгаа аж.

АНУ-ын хориг арга хэмжээ төлөвлөсөн шигээ Хойд Солонгосын зэвсэг үйлдвэрлэлийг зогсоож чадаагүй ч эдийн засагт нь сөргөөр нөлөөлж байгаа юм. АНУ-ын Ерөнхийлөгч Ж.Байден бол Хойд Солонгос цөмийн зэвсгээсээ бүрэн татгалзсан тохиолдолд л хориг арга хэмжээг зөөлрүүлнэ гэсэн хацуу байр сууриа бат хамгаалж байна.

Вашингтон болон Сөүл цэргийн сургуулилт явуулахдаа Пхеньяны өдөөн хатгалгын эсрэг хүч хэрэглэж, хариу арга хэмжээ авах замаар хойгийн хамгаалалтаа бэхжүүлэхээр тохиролцлоо. Өмнөд Солонгосын Батлах хамгаалах яамны зөвлөх сайд Ким Жун Дэ “Бид өмнө нь ийм зоригтой түрэмгийллийг харж байгаагүй. Хойдууд цөмийн зэвсэгтэй улс шиг ажиллаж байна” гэжээ.

Хойд Солонгосын цөмийн зэвсгийн долоо дахь удаагийн туршилтаа дуусгаж, одоо 1953 онд завсарласан ажлаа дуусгахаар улс төрийн тохиромжтой мөчийг хүлээж байна хэмээн АНУ болон Өмнөд Солонгосын Засгийн газар үзэж байна.

Эх сурвалж: BBC

Энэ мэдээнд өгөх таны үнэлгээ

Хуваалцаарай Жиргээрэй