АНУ-ын Төв банкны үүргийг гүйцэтгэдэг Холбооны нөөцийн сан /ХНС/-гийн удирдлагууд ирэх сар буюу арваннэгдүгээр сарын 1-2-ны хооронд зохион байгуулах хурлаараа бодлогын хүүг дахин нэмэх төлөвтэй байгаа ажээ. ХНС-гийн удирдагч Уоллер "Дараагийн хурлаар бодлогын хүүг нэмэх талаар нухацтай ярилцана" хэмээн мэдэгдсэн.
Бодлогын хүү гэдэг нь арилжааны банкууд өөрт байгаа сул мөнгөө Төв банкандаа зээлүүлж буй хүү юм. Товчхондоо бодлогын хүүг өсгөснөөр арилжааны банкууд Төв банканд мөнгөө зээлүүлснээр иргэн болон аж ахуйн нэгжид олгохзээлээ хумина гэсэн үг. Харин тухайн улсын Төв банк бодлогын хүүгээ өсгөхөд тус улсын мөнгөн тэмдэгтийн ханш чангардаг.
Дээрх онолын дагуу бол АНУ-ын ХНС-гийн удирдлагууд хуралдаж бодлогын хүүгээ нэмэхээр шийдвэрлэвэл ам.долларын ханш чангарах юм. Хэдийгээр энэхүү шийдвэр нь АНУ-д давуу талтай боловч бусад улс орнууд экспорт, импорт хийхдээ ам.доллароор гүйлгээ хийдэг учраас ихээхэн хохиролтой шийдвэр билээ. Цар тахлын дараа дэлхий дахинаа эдийн засгийн уналтаас гарахаар оролдож буй энэ үед ам.долларын инфляц дахин өсөх эрсдэл үүсэхюм.
Сонирхуулахад, ОХУ-ын ерөнхийлөгч Владимир Путинам.долларын байр суурийг эзлэхээр "BRICS" нэгдлээс дэлхийн эдийн засгийн шинэ валютын нөөц гаргахаа өнгөрсөн долоодугаар сард зарласан. Тус нэгдэлд Бразил, Орос, Энэтхэг, Хятад Өмнөд Африк зэрэг улс байдаг билээ. Тэгвэл газрын тосоороо алдартай Саудын Араб улс туснэгдэлд нэгдэх хүсэлтээ гаргажээ. Хэрэв тус нэгдлээс дэлхийн валютын шинэ нөөц /гаднын улстай худалдаа хийхдээ ам.доллароор гүйлгээ учраас энэхүү валютыг нөөцийн валют хэмээн нэрлэдэг/ гаргавал экспорт, импортхийхдээ ам.доллар бус "BRICS"-ын валютыг хэрэглэнэ гэсэнүг юм. Ингэснээр АНУ-аас шалтгаалахгүйгээр ам.долларын инфляцад өртөхгүй хэмээн үзэж байгаа билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.