Сүхбаатар тохижилт үйлчилгээ ОНӨҮГ дахин боловсруулсан хогоор шон үйлдвэрлэн нийлүүлдэг болжээ. Энэхүү шонг гялгар уут болон хуванцар савыг хайлуулан хийдэг байна. Шонгийн түүхий эдийн 70 хувь нь гялгар уут, 30 хувь нь хуванцар сав юм.
Дээрх түүхийн эдийг хайлуулан хоёр метрийн урттай, 8х8 болон 10х10 гэсэн хоёр төрлийн хэмжээтэйгээр шон үйлдвэрлэж байгаа ажээ. Модон шон хөрсөнд ялзарч, муудаж, хугарч унадаг учраас хашаа хайсны шонгийн зориулалтаар ашиглах захиалга их авч байгаа аж.
Шонгоо үйлдвэрлэхэд түүхий эдээ эхний ээлжинд цуглуулдаг байна. Гэвч хог ангилан худалдан авах цэгт хуванцар сав хангалттай ирдэг ч гялгар уут бага ирдэг ажээ. Иргэд гялгар уут тушаах нь харьцангуй бага аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.