НИЙГЭМ

Австралийн 8 тэрбум дахь иргэний аав Б.Ананд: Сонголт бүхэн нь мэргэн байгаасай гээд А.Мэргэн гэж нэрлэсэн

Дэлхийн хүн ам уржигдар буюу арваннэгдүгээр сарын 15-ны өдөр 8 тэрбум болсон билээ. Тэгвэл тус өдөр Австралийн Канберра хотод мэндэлсэн Б.Ананд, Э.Лхагвасүрэн нарын хүү А.Мэргэнийг Австрали улс дэлхийн 8 тэрбум дахь иргэнээр бүртгэгдсэн байна.

Тэдний хүүг дэлхийн найман тэрбум дахь иргэнээр бүртгэснийг Австралийн хамгийн том хэвлэл болох Canberratimes онцолсон юм. Бид хүүгээ өлгийдөж аваад байгаа Б.Ананд, Э.Лхагвасүрэн нартай ярилцлаа.

-Найман тэрбум дахь хүүхдийн аав ээж болсон та хоёртоо баяр хүргэе?

-Баярлалаа. Анхны хүүхэд болохоор маш их сэтгэл догдолж, хүлээсний эцэст хүүтэй боллоо. Сурч, ажиллахаар ирсэн шинэ улсад ирээд шинэ хүнээ өлгийдөн авлаа. Миний хүү онцгой өдөр төрлөө. НҮБ-ын тооцооллын дагуу дэлхийн хүн ам 8 тэрбум хүрэх өдөр аав ээждээ ирж, хэзээ ч мартагдахааргүй том бэлэг барилаа. 8 тэрбум дахь хүнийг нарийн тодорхойлох боломж байдаггүй учир энэ өдөр төрсөн хүмүүсийг хамруулдаг юм байна шүү . Миний хүү Австрали улсын нийслэл Канберра хотод энэ өдөр төрсөн ганц хүүхэд байна гэж эмч маань хэлээд бидэнд хандсан.

-Хүүхдээ тэр даруйд нь А.Мэргэн гэх нэр хайрласан байсан. Хэрвээ нууц биш бол ямар утгатай вэ. Өмнө нь бодчихсон байв уу?

-Австрали улсад төрөхөд түрүүлээд нэрийг нь бодчихсон байвал давуу тал болдог юм билээ. Энд шууд гарахад нь л бүртгэлийг нь хийдэг. Бид хоёрын хувьд өмнө нь хүүгийнхээ нэрийг бодоод олчихсон байсан. Миний хүү цааш цаашдаа маш олон сонголтын өмнө зогсох болно. Тэгвэл тэр бүх сонгосон зам, сонголт бүхэн нь мэргэн байгаасай гэж бодоод Мэргэн гэдэг нэрийг өгсөн.

-Австрали улсад эх амаржихад орчин нөхцөл нь хэр байв. 8 тэрбум дахь иргэндээ хэрхэн анхаарал хандуулж байна?

-Орчин нөхцөлийн хувьд таатай санагдсан. Ямартай ч эх хүүхэд хоёр эсэн мэнд амаржина гэдэг хамгийн том баяртай зүйл байдаг юм байна. Ийм сайхан хүү төрүүлж өгсөн ханьдаа баярлалаа л гэж хэлмээр байна даа..

-Сэтгэгдлээ хуваалцсанд баярлалаа.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Умаахан

Утга зохиол судлаач, сэтгүүлч мэргэжилтэй. Сэтгүүл зүйн салбарт гурван жил ажиллаж байна. Нийгэм, эрэн сурвалжлах, спортын сэдвээс гадна утга зохиолын шүүмж, шүлэг бичдэг.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
9 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-11-17 09:08

Uneheeer saihan medee bna

Зочин
Зочин
2022-11-17 09:08

Хоьор тохиолдол шүү. Гэр бүлд нь аз жарг## хүсье

Зочин
Зочин
2022-11-17 09:08

Zaluu saihan hosuudad bayar hurgey

Зочин
Зочин
2022-11-17 09:09

Сайн аав ээж болоорой. Том хайр хүсье

Зочин
Зочин
2022-11-17 09:27

Эрүүл энх хамгийн сайхныг хүсье сайхан гэр бүлдээ

Зочин
Зочин
2022-11-17 09:50

Баяр хүргэе

Зочин
Зочин
2022-11-17 10:20

wow wonderful family

Зочин
Зочин
2022-11-17 10:22

Эхээс төрөнгүүт Монголын нэрийг дэлхий даяар гаргасан мундаг хүү байна

Өвгөн
Өвгөн
2022-11-17 20:23

Монголын нэрииг дэлхиид гаргасан гавъяатай хүүдээ Чингис хааны одонг өгмөөр юм бна..том блтол нь хадг##чих нь биз..ххх

Холбоотой мэдээ

Back to top button