Дорнод аймгийн Чойбалсан сумын нутагт өнгөрсөн сарын 27-ны өдөр гарсан түймэр Чулуунхороот, Гурванзагал сумын нутгийг хамарсан.
Улмаар түймрийг унтраахаар ажиллаж байхдаа түлэгдсэн найман алба хаагчид Улаанбаатар хотын Түлэнхийн төвийн эмч нар нисдэг тэргээр газар дээр нь тусламж үзүүлжээ. Хүнд болон хүндэвтэр зэргийн түлэгдэлтэй дөрвөн иргэнийг Улаанбаатар хот руу авч ирсэн байна.
Харин дунд зэргийн түлэгдэлд өртсөн дөрвөн хүнийг Дорнод аймгийн БОЭТ-д эмчилж байгаа ажээ. Мөн түймэрт хоёр иргэн түлэгдсэнийг БОЭТ-д эмчилж байгаа юм.
Өнөөдрийн байдлаар Чойбалсан сумын Энгэр шанд, Хөх нуур багийн 25 малчин өрхийн 16 орчим нь гэр, сууц, 20 хашаа хороо, 1000 орчим мал, Гурванзагал сумын заргуун айлын гэр, сууц, 12 айлын хашаа хороо, 2100 орчим мал түймэрт өртжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.