"Эх нутгийнхаа төлөө Эх орны үрс" баримтат кино өнөөдөр үзэгчдийн хүртээл болох ажээ. Тодруулбал, МҮОНТ-ийн нэгдүгээр сувгаар 21.10 цагаас гарах аж.
Эл баримтат кинонд Хасаг-Гоминданы эсрэг 30 жил үргэлжилсэн дайны талаар өгүүлэх ажээ.
Монгол Улсын баруун хил хязгаарт Хятадын гоминдан, Оспан тэргүүтэй хасаг дээрэмчдийн өдөөсөн үймээн, самуун, дайн 30 жил үргэлжилж, 1952 оны үед намжсан гэгддэг.
Халх гол болон Чөлөөлөх дайнаас хэд дахин урт хугацаанд үргэлжилсэн гэх уг дайнд манай улс олон иргэнээ алдаж байжээ. Баян-Өлгийгөөс Өмнөговь аймаг хүртэл таван аймгийн 12 сумын нутаг дэвсгэрийг хамарсан, уртаараа 1200 км, өргөнөөрөө 400 км гүн цөмөрсөн фронтод Монголын хилчид болон иргэд хамтран тулалдаж байжээ. Уг дайныг гэрчлэх 90-100 насны 15 буурай өдгөө эсэн мэнд амьдардаг байна.
Тус бүтээлийг MandalaFilms Mongolia студийн залуус бүтээсэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.