НИЙГЭМНийгэм мэдээУлс төрийн мэдээ
Нийслэлийн онцгой комисс өндөржүүлсэн бэлэн байдалд шилжиж ажиллана
Нийслэлийн онцгой комисс өнөөдөр /2023.07.05/ үерийн асуудлаар хуралдаж байна. Улмаар Нийслэлийн онцгой комисс өндөржүүлсэн бэлэн байдалд шилжиж, ажиллахаар болжээ.
Өнгөрсөн бямба гараг буюу долоодугаар сарын 1-нээс хойш үргэлжлэн орж буй борооны улмаас Улаанбаатар хот усанд автаад байгаа юм.
Тэгвэл өнөө өглөөний байдлаар Сэлбэ гол дагуух орон сууцууд усанд автаад байна. Тодруулбал, энэ сарын 4-5-нд шилжих шөнө Сэлбэ голын үерийн далан нурснаас гол дагуух орон сууцууд үерт автаж, иргэдийн болон замын хөл хөдлөгөөнийг хорилоо.
Ингэхдээ Нарны зам, Энхтайвны гүүрний зүүн урд, баруун талын Петровис шатахуун түгээх станцаас Төв цэнгэлдэхийн баруун хойд тойрог, Соёолж худалдааны төвийн зүүн талын нүхэн гарам болон Буянгийн замын хөдөлгөөнийг түр хязгаарлаад байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.