СПОРТ

ДАШТ: Э.Тэмүүлэн дагах тойрогт яллаа

Бөхийн төрлүүдийн 23 хүртэлх насны ДАШТ Унгарын нийслэл Будапешт хотод үргэлжилж байна.

Тус тэмцээнд манай улсаас үндэсний шигшээ багийн ахлах дасгалжуулагч Б.Баттулга, гавьяат дасгалжуулагч Ц.Баярсайхан, Орхон аймгийн “Ирээдүйн одод” сургуулийн багш, ОУХМ Б.Идэрсайхан, Чингэлтэй дүүргийн дасгалжуулагч, спортын мастер П.Чулуунбаатар, Баянхонгор аймгийн дасгалжуулагч, спортын мастер С.Мөнхдуулдах нарын удирдлагад ИЙМ бүрэлдэхүүнтэй оролцож байгаа юм.

Дөнгөж сая эрэгтэйчүүдийн 70 кг-ын жинд залуучуудын ДАШТ-ий хүрэл медальт, 23 хүртэлх насны Азийн аварга, ОУХМ Э.Тэмүүлэн дагах барилдаанд Энэтхэгийн Навеенийг 8:6-гаар яллаа.

Тэрбээр дараагийн тойрогт энэ жилийн 23 хүртэлх насны Европын аварга шалгаруулах тэмцээний хүрэл медальт, Азербайжаны бөх Дауд Ибрагимовтой барилдана. Хэрвээ түүнийг ялбал хүрэл медалийн төлөө барилдах эрхтэй өвөртлөх юм.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button