Өнгөрсөн хоёрдугаар сард ӨМӨЗО-ны Алшаа мужид Шиньжин компанийн задгай уурхай нурж 53 хүн нас баран, 200 сая юанийн хохирол учирсан. Тус ослыг мөрдөн шалгасны дараа 42 төрийн албан хаагчид хариуцлага тооцсон байна.
Ослын шалтгааны тухай Хятадын Төрийн зөвлөл мягмар гарагт (2023.08.29) мэдэгдэл хийхдээ “Томоохон эрсдэл, далд аюул урт хугацааны турш оршиж, үйлдвэрлэлийн аюулгүй байдлын хариуцлага алдсанаас үүдэлтэй осол болсон” гэжээ. Мөрдөн байцаалтын явцад ослын шууд шалтгаан нь нүүрсний уурхайн бүтээн байгуулалт, төслийн анхны зураг төслийг хэрэгжүүлээгүй явдал аж. Мөн нүүрсний олборлолт буруу явуулснаас болж уурхайд тогтворгүй байдал бүрэлдэж, улмаар нуралт үүссэн аж.
Эх сурвалж: Xinhua
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.