БНХАУ-ын Бээжин хотноо болж буй "Бүс ба зам" дээд хэмжээний уулзалтад Ерөнхийлөгч У.Хүрэлсүх улсаа төлөөлөн оролцсон.
Энэ үеэрээ ОХУ-ын Ерөнхийлөгч Владимир Путинтэй уулзаж, манай улсад айлчлахыг урьсан гэдэг мэдээлэл түгсэн. Мөн БНХАУ-ын дарга Ши Жиньпинтэй ч уулзаад амжлаа.
Тэгвэл, хойд ба урд хөршийн ирэх 2024 оны гадаад айлчлалын хуваарьт Монгол Улс багтсан байна. Өөрөөр хэлбэл Владимир Путин, Ши Жиньпин нарын аль аль нь дараа жил манай улсад айлчлахаар төлөвлөчихсөн байгаа аж.
Түүний өмнө харин "Урилаа" гэдэг урьдач мессежийг цахим орчинд мэдээлсэн дүр зураг харагдаж буй.
Төрийн тэргүүний хувьд гадаад бодлогын үлэмж сэргэлтийн он жилүүдэд ажиллаж, бас манлайлж байна. 2023 оны хувьд Гэгээн ширээт улсын Төрийн тэргүүн, Пап Францис тэргүүтэй гуравдагч хөрш рүү чиглэсэн олон тулгуурт гадаад бодлого явуулж чадсан. Х Богдын асуудал, Францтай уран олборлох чиглэлээр тохироод буй гэхчлэн хоёр хөрштэйгөө эв найрамдал дор ойлголцох ёстой сэдвүүд ч энэ дунд хүчтэй өрнөсөн.
Ийм болохоор төрийн тэргүүний хараа хоёр хөрш рүүгээ өдгөө хэрхэн чиглэх вэ гэдэг нь анхаарал татаж байсан юм. Хамгийн сүүлд Ерөнхий сайд БНХАУ-д айлчилж, УИХ-ын дарга Г.Занданшатар ОХУ-д ажилласнаас бусдаар төрийн тэргүүний хэмжээнд гадаад бодлогын нүүдэл хийгдээгүй байгаа.
Ямартай ч хуваарьт айлчлалд багтсан гэдэг нь манай талаас ЕТГ, ГХЯ хичээл зүтгэл гарган ажилласны хүчинд бүтээсэн, төлөвлүүлсэн гэсэн үг. Манай хойд, урд хоёр хөрш нэг онд дараалж айлчлан ирж байсан удаа өмнө нь цөөн.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ааая гоё ч юм болох нь дээ
Царь, Хуанди хоёр хэлэлцэн тохирч байгаад "стратег"- ийн тулг лтуудаа хийнэ дээ !
Тэр дундаас нь харин манайх гадаад бодлогын концепцоо тодруулан боловсруулах боломж бүрдэнэ ! Гадаад Яам ер нь чамлахааргүй сайн ажиллаад бнаа !!!
Батцэцэг сайдад баяр хүргэе !
МИНИЙ ХОЁР АХ ИРЭХНЭЭ НАДДАА ГАНЗАГА ДҮҮРЭН ЧИХЭРТЭЙ ИРНЭ ДЭЭ ГОЁ ДОО ДАРВАЛЗААД БАЙГАА ГАРУУДЫГ ХОЁР АХДАА ХЭЛНЭ ДЭЭ БИ АРЬСЫГ ЧИНЬ ХУУЛУУЛНАА БИ
Yaj huvaaj hurteh tuhai l bodotsgooj suugaa daa
Гоёо гоё. Хоёр ах маань ирэх юм байна. Баярлаж байна шүү.
Гоё ш дээ.