Эрүүгийн хуульд нэмэлт, өөрчлөлт оруулах тухай хуулийн төсөл болон дагалдан өргөн мэдүүлсэн Зөрчлийн тухай хуульд нэмэлт өөрчлөлт оруулах тухай хууль хэрэгжиж эхэлж байгаатай холбогдуулан Хууль Зүй Дотоод Хэргийн Яамнаас өнөөдөр хэвлэлийн хурал зохион байгууллаа. Энэ талаар Хууль Зүй Дотоод Хэргийн сайдын зөвлөх Д.Мөнх-Эрдэнэ олон нийтэд мэдээлэл өглөө.
Тэрбээр “Нэгд, Эрүүгийн хуулийн нэмэлт өөрчлөлтөөр бага насны хүүхэдтэй холбоотой түүнийг алах, хүчирхийлэх, бэлгийн мөлжлөг үйлдэх, жирэмсэн эмэгтэй болон хүүхэд худалдаалах, зэрэгт ялын бодлогыг чангатгах, хүн худалдаалах гэмт хэрэгт өршөөл үзүүлэхгүй хөөн хэлэлцэх хугацааг тоолохгүй. Хохирогчийг 18 насанд хүрсэн хойно хөөн хэлэлцэх хугацааг тоолж эхлэхээр болж байгаа. Мөн бага насны хүүхдийг хөнөөх, хүчиндэх гэмт хэрэг үйлдсэн этгээдэд 20 жилийн хорих ял оноодог байсан бол ялын дээд хэмжээг 25 жил болгон нэмсэн.
Хугацаанаас өмнө суллагдсан, уучлалд хамрагдсан хүний зорчих хөдөлгөөнд тусгай төхөөрөмж ашиглан хяналт тогтооно. Хугацаа нь тухайн этгээдэд шүүхээс оноосон хорих ялын хагасаас доошгүй байна. Тухайлбал 20 жилийн хорих ялаар шийтгүүлсэн хүн ялаа эдэлж дууссаны дараа 10 жил тусгай тоног төхөөрөмжөөр аянуулна гэсэн үг. Уг төхөөрөмжийн жагсаалт, тэдгээрийг ашиглах журмыг Хууль зүйн сайд батлахаар хуульд тусгасан.
Хоёрт, Мөн Эрх мэдэл албан тушаалын байдлаа урвуулан ашиглаж, улс төрд нөлөө бүхий байдлаар ашиглавал хугацаанаас өмнө суллахгүй.
Гуравт, Хөдөлгөөний аюулгүй байдлыг хангах үүднээс тээврийн хэрэгслийг согтуурч, мансуурсан үедээ жолоодож эрхээ хасуулсан иргэн дахин уг үйлдлээ гаргавал 7-30 хоног баривчилдаг байсан. Шинэ хуулиар согтуурч мансуурсан үедээ жолоо барьсан эхний тохиолдлоор жолоодох эрхийг нэг жилээр хасаж, 400 мянган төгрөгөөр торгоно. Эсвэл 7-30 хоног баривчилна. Уг өөрчлөлтийг зөрчлийн хуульд оруулсан. Мөн эрүүгийн хуульд тээврийн хэрэгсэл жолоодох эрхээ хасуулсан иргэн тээврийн хэрэгсэл дахин жолоодсон болон зохих журмын дагуу шалгуулахаас зайлсхийсэн бол 1-3 жил жолоодох эрхийн хасаж, 2.7-14 хүртэлх сая төгрөгөөр торгох, 240-720 цаг нийтэд тустай ажил хийлгэх эсхүл 6 сараас 3 жилийн хугацаанд зорчих эрхийг хязгаарлана эсвэл хорино.
Дөрөвт, Тээврийн хэрэгсэл ашиглалтын журмын 27 дугаар бүлэгт өөрчлөлт орсон. Хөдөлгөөний үед хохирогчид хүндэвтэр гэмтэл учруулсан бол 450 мянгаас 5.4 сая төгрөгөөс торгох, 240-720 цаг нийтэд тустай ажил хийлгэх эсвэл 1 сараас нэг жил зорчих эрхийг хязгаарладаг байсан. Харин 2024 оны нэгдүгээр сарын 1-нээс эхлэн энэ төрлийн гэмт хэрэгт тээврийн хэрэгсэл жолоодох эрхийг 1-3 хүртэлх жил хасаж 2.7-14 сая төгрөгөөр торгох, 240-720 цаг нийтэд тустай ажил хийх, зургаан сараас гурван жил зорчих эрхийг хязгаарлах өөрчлөлт оруулж байгаа. Ялын бодлогоор эрх хасах ял нэмэгдсэн. Мөн хорих ялын доод хэмжээ зургаа дахин дээд хэмжээ гурав дахин нэмэгдсэн. Харин хорих эрхийн доод хэмжээг таван сар, дээд хэмжээ хоёр жилээр нэмэгдсэн. Согтуурч мансуурсан, тээврийн хэрэгслийн жолоодох эрхгүй үедээ жолоодсон бол 3-5 жил хасна. Зорчих эрхийг 1-3 жил хязгаарлана. Эсвэл хорино.
Тээврийн хэрэгсэл жолоодож байх үедээ хүний амь насанд хүрч улмаар хоёр ба түүнээс дээш хүний амь насанд халдвал эрхийг 5-8 жил хасаж, 2-8 жил хоридог байсныг 8-12 жил эрхийг хасаж өөрчилсөн. Харин ялын хэмжээ хэвээр байгаа.
Түүнчлэн, Зөрчлийн хуулийн нэмэлт өөрчлөлтөд, торгуулийг хугацаандаа төлбөл 50 хувь хөнгөлнө. Харин хугацаанаас хэтрүүлбэл торгуулийн хэмжээг 50 хүртэлх хувиар нэмнэ. Зөрчил үйлдсэн бол торгуулиа заавал төлнө. Үгүй бол нийтэд тустай ажил хийлгэж заавал төлүүлнэ. Мөн тодорхой хугацаанд төрөөс үзүүлэх үйлчилгээг хязгаарлана. Тээврийн хэрэгслийн шилжилт хийх, аливаа өөрчлөлт хийлгэхгүй, машиныг нь хөдөлгөөнд оролцуулахгүй. Энэ хяналтыг цагдаагийн байгууллага хариуцаж байгаа.
Эдгээр шийтгэлийн зорилго нь гарцаагүй байдалд оруулж дүрэм, журмыг сахиулах юм. Замын хөдөлгөөнийг зөрчсөнөөс болж дараагийн бүр ноцтой гэмт хэрэг үүсдэг учраас заавал биелүүлэх хэрэгтэй байгаа. Согтуугаар тээврийн хэрэгсэл жолоодсоны улмаас сүүлийн таван жилд 111 амь насаа алдсан. Үүний цаана хэчнээн хянган хүн эрүүл мэндээрээ хохирсон. Төлөгдөөгүй торгуулийн хэмжээ 90 тэрбумд хүрсэн. 50-аас дээш зөрчил гаргасан 3000 гаруй хүний мөнгөн хэмжээ дөрвөн тэрбумд хүрсэн. Бүх улсад ялын бодлого авч, өр төлбөрт унагах байдлаар албадан журам сахиулдаг.
Зөрчлийн болон Эрүүгийн хуулийн нэмэлт өөрчлөлт нь 2024 оны нэгдүгээр сарын 1-нээс хэрэгжиж байна" хэмээн танилцуулав.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Иймэрхүү мэдэгдэлд инээгээд бгаа гарууд сэтгэцээ үзүүлээрэй. Торгууль төлүүлэх, цагтаа төлсөнд нь хөнгөлөлт эдлүүлж бгаа нь маш зөв шүү. Хэн ч торгуулиа төлөхгүй дураараа дүрэм зөрчөөд байвал яг юу болох вэ гэдгийг л сайн бодох хэрэгтэй.
Маш зөв. Хууль дүрэм журмаа мөрдөхгүй хүмүүсээс болж мөрөөрөө явж байгаа хүн хэрхэвч хохирох ёсгүй. Мөн зөрчил гаргасан бол торгуулиа заавал төлдөг байх ёстой. Торгуулийн 50%-ийг өршөөсөнөөс болж торгууль утгаа алдсан шүү дээ ер нь бол. Дахиж битгий ийм алдаа гаргаасай.
Эрх мэдэлтэнгүүд буюу тэдгээрийн ойр дотно хамаарал бүхий хүмүүс л тээвэрийн хэрэгсэлийн дүрэм журам мөрдөхөд их гай болно доо.
Эрүүгийн ялтай,болгооч Цаана нь хичнээн хүний амь нас хохирч бна шдээ
Ман нам бүр шоронжуулж гүйцлээ
Иргэд яахав ацан шалаанд ороод төлчихнө өр шир тавиад харин дарганцарууд энэ шийдвэр гаргагч этгээдүүд улсаас хумсалснаа буцааж төлөхгүй бол эхлээд өөрийг нь торгоод 3н жил чанга дэглэмтэй хөдөлмөр хийлгэж төлүүлэх хэрэгтэй