Урлагийн гэр бүлээс гаралтай бяцхан дуучин Д.Гоомарал

Дэлхийн нэр хүндтэй “The Voice of Mongolia” телевизийн шоуг Монгол Улсад анх удаа зохион байгуулж буй. Тус шоунд урлагийн гэр бүлээс гаралтай бяцхан дуучин Д.Гоомарал шүүгчид төдийгүй үзэгчдийн хайр энэрлийг ихээр татаад байна. Түүний аав нь Улсын Филармонийн гоцлол дуучин Б.Дэлгэрбаяр. Мөн Б.Дэлгэрбаярын дүү Б.Одмандах 2018 онд "Voice of Mongolia" шоунд амжилттай оролцож байжээ.

-Улсын Филармонийн гоцлол дуучин Б.Дэлгэрбаяр-

 Тэрбээр цэрэг, эх орны сэдэвтэй дуунууд гочлон дуулдаг бөгөөд 2015 онд “Поклономися” нэртэй уран бүтээлийн бие даасан тоглолтоо үзэгчдэд хүргэж байсан. Мөн "Universe Best Songs" анхдугаар наадамд оролцож, шилдэг оролцогчоор шалгарч байсан юм. Өнгөрсөн жил мөн ОХУ-ын Москва хотод зохион байгуулагдсан ИСААК ДУНАЕВСКИЙН нэрэмжит олон улсын дуулаачдын IX дэхь уралдааны тэргүүн байрыг эзэлсэн уран бүтээлч билээ.

-Улсын филирмонийн Морин хуурын чуулгын флеит хөгжимчин, дуучин Б.Одмандах-

Б.Одмандах нь Хөгжим бүжгийн коллежийг 2015 онд МУСТА Д.Сарантуяагийн удирдлага дор флеит хөгжимчнөөр, 2019 онд Монгол Улсын Консерваторийг Төрийн шагналт, Ардын жүжигчин, XX зууны манлай дуурийн эмэгтэй дуучин, профессор Х.Уртнасангийн удирдлага дор дуурийн дуучин мэргэжлээр тус тус төгсжээ. Тэрбээр "UBS" телевизийн "Universe best songs-2012" наадмын шилдэг 25 оролцогчдын бөгөөд 2018 онд "Voice of Mongolia" шоуны гуравдугаар шат хүртэл амжилттай оролцсон юм.

-Бяцхан дуучин Д.Гоомарал-

Харин Филармонийн гоцлол дуучин Б.Дэлгэрбаярын охин “The voice of kids” шоунд оролцлоо. Өнгөрсөн ням гарагт тус шоуны хоёр дөрөв дэх дугаараар Б.Дэлгэрбаярын охин гурван шүүгч гурвуулаа эргэж харсан. Улмаар бяцхан авьяастан дуучин Наагийгийн багт орсон билээ.

Энэ мэдээнд өгөх таны үнэлгээ

Хуваалцаарай Жиргээрэй