АНУ-ын сонгууль: Жо Байден Ардчилсан намыг төлөөлөх боллоо
Энэ жилийн арваннэгдүгээр сард АНУ-ын Ерөнхийлөгчийн 60 дахь сонгууль явагдана. Тус сонгуульд Ардчилсан намаас АНУ-ын Ерөнхийлөгч Жо Байден өрсөлдөх боллоо.
Байденд Ардчилсан намын 2012 төлөөлөгч оноогдсоноор сонгуульд нэр дэвших нь тодорхой болсон байна. АНУ-ын ерөнхийлөгчийн сонгуульд намаас нэр дэвших хүнийг тус намын төлөөлөгчид сонгодог.
Төлөөлөгч нь муж эсвэл дүүргүүдэд намаа төлөөлдөг хүмүүс юм. Тэдгээр төлөөлөгч нь намын үндэсний хурлаар хэнийг ерөнхийлөгчийн сонгуульд албан ёсоор нэр дэвшүүлэхийг санал өгч шийддэг байна. Ардчилсан нам 3,934, Бүгд найрамдах нам 2,429 төлөөлөгчтэй.
Муж бүрийн анхан шатны болон намын бүлгийн сонгуульд өрсөлдөж авсан саналаасаа хамааран нэр дэвшигч нарт төлөөлөгчид хуваарилан өгдөг юм. Жо Байден мягмар гарагт /2024.03.12/ болсон Жоржиа мужийн Ардчилсан намын анхан шатны сонгуульд ялалт байгуулсан тул 2012 төлөөлөгчтэй болж, намаасаа өрсөлдөх болсон байна.
Дональд Трампад одоогоор Бүгд найрамдах намын 1,188 төлөөлөгч оногдсон байгаа юм. Хоёр нам үндэсний их хурал хийх үед төлөөлөгчид нэр дэвшигчдэд саналаа өгдөг гэдгийг дээр дурдсан.
Бүгд найрамдах намын үндэсний их хурал долоодугаар сарын 15-18 хооронд Висконсин мужийн Милуоки хотод болно. Харин Ардчилсан намын үндэсний их хурал наймдугаар сарын 19-22 хооронд Чикаго хотод болох юм.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
энэ Байден зөнөгөөс өөр хүнгүй болсон америкийн АН тарах хэрэгтэй. Байден бол украйнд дэмжлэг үзүүлэх нэрийн доор дайыг улайран дэмжигч ялзарсан зөнөг өвгөн.
АНУ ч бүр тартагтаа тулжээ.Зөнөг з�##�гасан Байден хэрэв сонгогдвол бүрэн эрхийнхээ хугацааг ч дуусгаж амжихгүй таг зөнөг болох байх даа