"Талийгаач галзуу хулгана тоглоомоос буух явцад нас барсан байсныг шалгалтаар тогтоосон"
Өчигдөр буюу 2024 оны тавдугаар сарын 29-ний өдөр цагдаагын байгууллагад бүртгэгдсэн зарим хэргийн талаар олны нийтийн мэдээллийн хэрэгслээр ташаа мэдээлэл явсан тул цагдаагийн байгууллагаас тодорхой мэдээлэл авлаа.
ЦЕГ-ын УСГ-ын ХМОНХХ-ийн Чиглэлийн ахлах мэргэжилтэн, цагдаагийн хошууч С.Баярбилэг:
Өчигдөр 15:50 цаг орчимд цагдаагын байгууллагад СХБ дүүргийн нэгдүгээр хороо үндэсний цэцэрлэгт хүрээлэн буюу парк дээр галзуу хулгана тоглоом дээр тоглож байсан залуу ухаангүй байдалтай бууж ирээд нас барлаа гэсэн мэдээлэл бүртгэгдсэн. Мэдээллийн хүрээнд цагдаагийн байгууллагаас газар дээр нь очиж мөрдөн шалгах ажиллагааг шуурхай хэрэгжүүлэн ажиллаа.
Шалгалтын явцад тухайн иргэн “Галзуу хулгана” гэх тоглоом дээр тоглож байгаад бууж ирэх явцдаа ухаангүй бууж ирсэн учраас эмнэлгийн байгууллагад шуурхай хүргэгдэн, тусламж үйлчилгээ авсан ч нас барсан хэрэг гарсан. Одоогоор нас барсан шалтгаан, бусад нөхцөл байдлыг тогтоохоор цагдаагийн байгууллага яг одоо ажиллаж байна. Галзуу хулганаас хөл алдаж унасан, халтирсан гэх мэдээлэл бол ташаа. Тоглоомонд сууж, буух явцад нас барсан" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ГАЛЗУУ ХУЛГАНААР ДАВХИЖ ЯВАХАД НЬ БООГООД АЛЧИХСАН ЮМ УУ? ТЭГЭЭД ГАЛЗУУ ХУЛГАНЫ ЗӨВ БОЛЖ БАЙГАА ЮМ УУ?
Зүрх л байхдаа. Одооны хүүхдүүд бие муутай болж дээ, хөөрхий.