Лхагва гарагт /2024.12.25/ “Azerbaijan Airlines”-ын J2-8243 нислэг Казахстан улсын Актау хотын ойролцоо осолдсоны улмаас 38 хүн амь үрэгджээ. “Embraer” маркийн тус онгоц Украин дроны халдлага явуулж байсан ОХУ-ын бүсээс өөр тийш чиглэснийхээ дараа осолдсон байна. Тодруулбал тус онгоц товлосон маршрутаасаа олон зуун км хазайж, Каспийн тэнгисийн эргийн ойролцоо осолдсон юм.
ОХУ-ын Чечень муж дахь Грозни хотыг чиглэж явсан тэрхүү онгоц шувуутай мөргөлдсөний улмаас осолдсон байж магадгүй гэж ОХУ-ын нисэхийн хяналтын алба мэдэгджээ. Харин нисэхийн мэргэжилтэн шувуу мөргөсөн байх магадлал бага гэсэн юм. Ослоос амь гарсан 29 хүнд эмнэлгийн тусламж үзүүлсэн байна.
Албаныхан тус онгоц яагаад далайд гаталсан тухай тайлбар өгөөгүй юм. Гэхдээ тэрхүү осол Украин Чечень мужид дроны цохилт өгсний дараа болсон аж. Онгоцны нислэгийн замд хамгийн ойр байсан ОХУ-ын нисэх онгоцны буудал лхагва гарагт хаасан байжээ. Киев одоогийн байдлаар Чечень мужид дроны цохилт өгсөн гэдгээ хүлээн зөвшөөрөөгүй байгаа юм. Азербайжаны Ерөнхийлөгч Илхам Алиев хэлэхдээ онгоц цаг агаарын таагүй байдлаас болж чиглэлээ өөрчилсөн гэж өөрт нь мэдээлэл ирсэн хэмээжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хогын казакууд үхэж дуусаасай
Дроны хэрэглээгээ хянахгүй бол