Өнөө орой 22.00 цагаас ГХЯ-наас Багшийн дээд, 120 мянгатын тэмээтэй хөшөөнөөс Оргил хүртэлх замуудыг хаана
Зам засвар болон шугам сүлжээний ажлын хүрээнд өнөө орой 22.00 цагаас зарим замын хөдөлгөөнийг хаах гэж байна. Тодруулбал,
Энхтайваны өргөн чөлөөний хэсэгчилсэн засвар, шинэчлэлтийн ажлын хүрээнд Гадаад харилцааны яамны уулзвараас Багшийн дээдийн уулзвар хүртэлх авто замыг хааж шинэчилнэ. Энэ хүрээнд тус замын хөдөлгөөнийг зургаадугаар сарын 21-ний 22.00 цагаас 23-ны 06.00 цаг хүртэл хааж, засварын ажил хийх аж.
Хоёрдугаарт, Зайсангийн өргөн чөлөөний борооны ус зайлуулах шугам угсралтын ажлын хүрээнд Тэмээтэй хөшөөний уулзвараас Оргил худалдааны төвийн уулзвар хүртэлх авто замыг шөнийн цагаар хааж, борооны ус зайлуулах шугам татах ажил хийнэ. Энэ хүрээнд зургаадугаар сарын 21-ний 22.00 цагаас 22-ны 06.00 цаг хүртэл дараах замын хөдөлгөөнийг хаахаар болжээ.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.