Өнгөрсөн 2024 оны аравдугаар сарын 27-ны өдөр Э гэх бүсгүй хамтран амьдрагч болох Ж-д 13 цагийн турш онц хэрцгийгээр зодож, хүчирхийлүүлсэн талаараа олон нийтийн сүлжээнд нийтлэгдсэн байдаг.
Улмаар хамтран амьдрагчаа зодож, онц хэрцгийгээр гэр бүлийн хүчирхийлэл үйлдэж алахыг завдсан, хохирогчийн бичлэгийг цахим орчинд тараана хэмээн сүрдүүлсэн, мансууруулах эм сэтгэцэд нөлөөт бодисыг хууль бусаар хадгалсан Ж-д холбогдох хэргийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд шилжүүлсэн юм.
Тус хэргийн урьдчилсан хэлэлцүүлэг /2025-06-05/-ны өдөр БЗ, СБ, ЧД-ийн ЭХАШТШ-д болж өнөөдөр буюу /2025-06-19/-ний 10 цагт шүүх хурал товлосон байдаг.
Улмаар түүнд холбогдох шүүх хурал 10.22-10.39 цагт явагдаж өмгөөлөгч Б.Бат-Ерөөлт "шүүх хуралдаан давхацсан тул хойшлуулж өгнө үү" гэх хүсэлт ирүүлснийг шүүхээс хүлээн авч хуралдааныг 2025.08.21-ний өдрийн 10:00 цаг хүртэл хойшлуулж шийдвэрлэсэн байна.
Ч.Жавхлантын хувьд /2025-10-28/-ны өдөр хохирогчийн ах цагдаагийн байгууллагад мэдэгдсэнээр таслан сэргийлэх арга хэмжээ авхуулсан. Өдгөө долоон сар гаруй хугацаанд цагдан хоригдож буй юм.
Түүнд Эрүүгийн хуулийн ерөнхий ангийн 2.8 дугаар зүйлийг журамлан, Эрүүгийн хуулийн 10.1 дүгээр зүйлийн 2.1, 2.8 /Хүнийг алах/, Эрүүгийн хуулийн 13.5 дугаар зүйлийн 1 /Заналхийлэх/, 12.1 дүгээр зүйлийн 2.10 /Хүчиндэх/, Эрүүгийн хуулийн 20.7 дугаар зүйлийн 1 /Мансууруулах эм, сэтгэцэд нөлөөт бодисыг хууль бусаар ашиглах/-д зааснаар яллах дүгнэлт үйлдсэн байна.
Яллах дүгнэлтэд хамаарах зүйл ангийг тодруулбал,
- Эрүүгийн хуулийн 10.1 дүгээр зүйлийн 2.1, 2.8 /Хүнийг алах/,
- 2.1.онц харгис хэрцгийгээр;
- 2.8.гэр бүлийн хүчирхийлэл үйлдэж; арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ.
13.5 дугаар зүйл.Заналхийлэх
1.Бусдыг тодорхой үйлдэл хийх, хийхгүй байхыг шаардаж өөрт нь, түүний ойр дотны хүнд хүч хэрэглэсэн, хүч хэрэглэхээр заналхийлсэн, эсхүл эрх, хууль ёсны ашиг сонирхолд нь хохирол учруулж болохуйц баримт, мэдээлэл тараахаар сүрдүүлсэн бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ.
12.1 Хүчиндэх
2.10.хохирогчийг тохуурхан доромжилж үйлдсэн бол таван жилээс арван хоёр жил хүртэл хугацаагаар хорих ял шийтгэнэ.
20.7 дугаар зүйл. Мансууруулах эм, сэтгэцэд нөлөөт бодисыг хууль бусаар ашиглах
1.Хориглосон мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгогүйгээр хууль бусаар бэлтгэсэн, хадгалсан, бусдад өгсөн, олж авсан бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Uvsiin hyrgas sumiin haryt gantumuriin munhzul hogiin hulgaich zalilagch
Батерөөлт одоо больмоор юм энэ хүчирхийлэгч гарч ирээд энэ охиныг ална танар харж л байгаарай
Mungutu gciwe uur hun bsn bol ali ert shorond shoohguyu psd
Chalhgui lalariig ordog gazar n bandi bolgooch
Дээд хэмжээ өг ийм малуудыг
teneg m#l ve
Танайх ламбугайн зургийг цуг тавиад байдаг нь ямар учиртай юм бэ. Болиоч.
Гэр бүлийн хүчирхийлэлд автаад сууж байгаа эмэгтэйчүүд маш олон байнаолон Ялыг чангатгах хэрэгтэй.
Ger buliin huuliin shinechlel yu Bolson be, uund deer mash todorhoi tusgai uguh heregtei ger bulees gaduurh hariltsaa uunees bolj garah hohirol ih bna minii huvid eregtei hun yumaa ger orond buleg humuus irsen bichleg tsagdaad uguhud tsagdaagiin ajiltan uvsiin nuluulj shalgaagui