БНСУ-ын Гадаадын иргэдийн хамгаалах төвийн ажилтан дүрвэгчийг хоолойг нь боож, унагаан зодсон хэрэг гарчээ.
Тодруулбал, Өмнөд Солонгосын Хууль зүйн яамны харьяа Чонжү гадаадын иргэдийн хамгаалах төвийн ажилтан нь саатуулагдаж байсан Йемен улсын дүрвэгч хүсэлт гаргагчийг хоолойг нь боож, унагаан, нударгалан зодож байгаа бичлэг CCTV-д бичигдсэн байна. Энэ хэрэг нь гадаадын иргэдийг хамгаалах ёстой байгууллагад хүний эрхийн ноцтой зөрчил гарсныг харуулж байгаа бөгөөд, энэ үйл явдлыг нэг жил нууцалсан байжээ.
CCTV бичлэгт ажилтан А нь хохирогч нь Йемен улсын дүрвэгчийн хөлөөс нь чирч гарган унагааж, нударгаар болон тохойгоор 13 удаа цохсон. Дараа нь унасан дүрвэгчийг өшиглөж, хэсэг хугацааны дараа буцаж ирээд хүзүүгээр нь татан хананд шахаж, хэдэнтээ өшиглөсөн байна.
Хэргийн талаар дүрвэгч зодсон ажилтан А, “Саатуулагдсан хүмүүс хоорондоо зодолдсон тул салгахын тулд хүч хэрэглэсэн” гэж мэдүүлсэн ч, ажилтан зодуулж байгаа дүр зураг бичлэгт үлдээгүй байна.
Хэргийн хууль эрх зүйн заалт:
Гадаадын иргэдийн саатуулах ажиллагаанд хүч хэрэглэхийг зөвхөн аюулгүй байдал ба дэг журмыг сахиулахад шаардлагатай хамгийн бага түвшинд зөвшөөрдөг гэж Цагаачлалын тухай хуульд заасан байдаг. Гадаадын иргэдийн эрхийг хамгаалах ёстой байгууллага дотор ийм хүчирхийлэл болсон нь ноцтой асуудал бөгөөд, хүний эрхийн зөрчил, нуун дарагдуулсан асуудал зэрэг олон асуулт үлдэж байна.
Эх сурвалж: TV조선
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.