Япон даяар зохион байгуулагддаг үнэт эдлэлийн үзэсгэлэнгээс удаа дараа хулгай хийсэн хэргээр Монгол залуу баригджээ.
Үүнтэй адил төстэй хэргээр баривчлагдсан бусад монгол эрэгтэй, эмэгтэй хүмүүс түүнийг "дэлгүүрийн эзэн" хэмээн хочилдог байжээ.
Тодруулбал, Энэ сарын 27-ны үдээс хойш Бута Токиогийн Кото тойргийн “Tokyo Big Sight”-д болсон үнэт эдлэлийн үзэсгэлэнгээс нийлээд 1.45 сая иений үнэ бүхий хоёр зүүлт хулгайлсан хэрэгт Монгол Улсын иргэн 49 настай Б сэжилгэн баривчилсан байна. Үүнээс гадна энэ оны дөрөвдүгээр сарын эхээр Яманаши мужид болсон үнэт эдлэлийн үзэсгэлэнгээс жижиглэнгийн үнэ нь 5 сая орчим иений үнэтэй 16 унжлага хулгайлсан хэрэгт мөн сэжиглэж байгаа аж.
Токио хотын цагдаагийн газрын мэдээлснээр, Яманаши мужид болсон өөр нэгэн үнэт эдлэлийн үзэсгэлэн дээр ээмэг бөгж хулгайлсан болон бусад гэмт хэрэгт сэжиглэгдэн баривчлагдсан Монгол иргэн эрэгтэй, эмэгтэй хоёр Б гэх эрэгтэйг "дэлгүүрийн хулгайн эзэн" хочитой хэмээн мэдүүлжээ.
Сэжигтнээр баривчлагдсан Б нь хэргээ хүлээн зөвшөөрч, хулгайлсан зүүлтүүдийг Монгол руу авч ирж зарсан гэдгээ мэдэгдээд байгаа юм байна.
Цагаачлалын бүртгэл болон бусад мэдээллээс харахад иргэн Б нь 2020 оноос хойш Японд 20 орчим удаа очиж, улс даяар зохион байгуулагддаг үнэт эдлэлийн үзэсгэлэнд оролцсон бөгөөд Токио хотын цагдаагийн газар түүнийг үзэсгэлэнгээс удаа дараа үнэт эдлэл хулгайлсан байж болзошгүй гэж шалгаж байна.
Эх сурвалж: News.yahoo
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шившиг болжээ. Монголчууд хулгайн эзэн хоч
авлаа.Тэнэгүүд!
Мөчийг хуга цохиод
Тасардаг болоосой