Тарваган тахал: Дахин 2 иргэний шинжилгээний хариу батлагдаж, 20 сэжигтэй тохиолдол бүртгэгдлээ
Хөвсгөл аймагт голомтод бүсээс тарвага төхөөрөн хүнсэндээ хэрэглэсэн нэг иргэн амиа алдаж, ойрын хавьтал болох 80 хүн тусгаарлагдсан байгаа билээ. Ингэхдээ тухайн иргэд Цагаан-Уул болон Мөрөн сумын эмнэлэгт хэвтэн эмчлүүлж байна.
Дахин сэжигтэй 20 тохиолдол бүртгэгдсэн тухай мэдээлэл олон нийтийн сүлжээгээр цацагдаад буй.
Энэ талаар болон тахлын одоогийн нөхцөл байдлын талаар Хөвсгөл аймгийн онцгой комиссоос тодруулахад "Аймгийн хэмжээнд нийт батлагдсан тохиолдол гурав. Нэг нас баралт бүртгэгдсэн.
Эхний шинжилгээгээр эерэг хариутай гарсан 20 хүний биеийн байдлыг эрүүл мэндийн байгууллагад хянаж байна. Одоогоор биеийн байдал хөнгөн зэрэгтэй. Бөөлжих, суулгах, халуурах зэрэг шинж тэмдэг илрээгүй тул шаардлагатай эмчилгээг хийж, дахин шинжилгээг авч ажиллаж буй. " хэмээсэн юм.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.