Оюу толгойн асуудлаар байгуулагдсан УИХ-ын түр хороо хуралдлаа.
Энэ үеэр УИХ-ын гишүүн Э.Болормаа:
"Оюу толгой компанийн ТУЗ дахь Монголын талын гишүүн Э.Баясгаланг өөрт нь мэдэгдэлгүй чөлөөлсөн байна. Энэ бол сонгон шалгаруулалт явуулж, олон улсын банкнуудад ажиллаж байхад нь урилгаар авчирсан хүн. Хэлэлцээрт том үүрэг хүлээсэн, амжилт гаргасан.
Миний хэд хэдэн эх сурвалжаас авсан мэдээллээр, "Рио Тинто"-гийнхон "Энэ хүнээ л ТУЗ-өөс хасчих" гэдэг байдлаар шахалт үзүүлсэн гэгдэж байна. Э.Баясгаланг ямар үндэслэлээр чөлөөлсөн бэ? Чөлөөлсөн хуралдааны протоколыг үзмээр байна. Энэ дараа дараагийн ТУЗ-ийн гишүүдэд ч хамаатай. Улстөржилтөөр хандвал энэ хэлэлцээ амжилттай болохгүй" гэлээ.
Үүнд АҮЭБ-ийн сайд Г.Дамдинням "Энэ талаар ЗГХЭГ илүү сайн мэднэ. Би бол олон нийтийн адил хэмжээнд л мэдээлэлтэй байна. Ер нь хэлэлцээ хийхийн тулд үе үеийн ТУЗ-ийн гишүүдтэй уулзаж зөвлөгөө авсан. Э.Баясгалантай ч уулзсан байгаа" гэдгээс өөрийг хэлсэнгүй.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.