Намаасаа хөөгдсөн хүн ХЗДХ-ийн сайд болсныг намынхан нь таг мартчихлаа.
Бага хурлын дараа Хяналтын хороо нь хуралдаж, "Б.Энхбаярыг МАН-ын гишүүнчлэлээс хасах шийдвэр"-ийг гаргаж байв. Ерөнхий сайд Г.Занданшатар үүнийг үл тоож ХЗДХ-ийн сайдаар томилно гэдгээ мэдэгдсэн. Бага хуралдаа ч орох нүүргүй, үүднээс буцсан түүнийг ХЗДХ-ийн сайдад суулгасан. Нам доторх хүлээн зөвшөөрөгдөлт, олон нийтийн дэмжлэг тэг түвшинд байсан ч, тоосонгүй. Чингэж ХҮН, ИЗНН-тай хамтарсан Засгийн газар намгүй нэг сайдтай болоод буй.
Өдгөө хуулийн салбарыг атгачихсан, өширхөл “зангидсан” хүн чинь өөрийнх нь эсрэг ажилласан хүмүүст хариуцлага тооцох, халж сэлгэх асуудал ярих нь гарцаагүй.
Нэн түрүүн намаас нь хөөсөн МАН-ын Хяналтын Ерөнхий хорооныхон “бай”-д өртөх магадлалтай. Энэ хүрээнд УИХ-ын гишүүн Б.Баярбаатар, О.Батчулуун нарыг МАН-ын Хяналтын хорооны гишүүнээс чөлөөлөх асуудал хөндөгдөж магадгүй байна.
МАН-ын Хяналтын хорооны дарга Б.Баярбаатар нь УИХ-ын дарга асан Д.Амарбаясгалангийн “хүн”. 2020 оноос МАН-ын Хяналтын хорооны дарга болж, 2024 оны УИХ-ын сонгуулиар МАН-ын жагсаалтад багтаж парламентын гишүүн болсон байдаг. Харин МАН-ын Хяналтын хорооны гишүүн О.Батчулуун нь Хууль зүй, дотоод хэргийн сайд асан Л.Мөнхбаярын “найз”. Энэ оны нэгдүгээр сард “Монголын төмөр зам” ТӨХК-ийн Гүйцэтгэх захирлаар томилогдсон байдаг. О.Батчулууныг эл албан тушаалаам нь хөдөлгөх нь ч гарцаагүй.
Мөн Д.Амарбаясгалангийн хийсэн болон нөлөөлсөн томилгоонуудыг дуусгана гэж үзэж буй. Учир нь “Намайг намаас хөөсөн нүүрчдийг би эх орноосоо хөөнө” гэж өширхөл дүүрэн зарлаж байсан хүн билээ. МАН-ынхан түүнийг намаасаа хөөгдсөнийг мартжээ.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ман нам биш мах болсоон хохино сүхээр дуу саж байгаа нь энэдээ хайран
Nuurschidiig eh ornoos ni huuh heregtei
Болохгүй нь юу байна. Болно шдээ.
Монголын минь заяа ихээ. Монголоороо тоглодог аавын хүү байхад Монголоо авардаг аавын хүү байна аа гэдэг үнэхээр бахарх�##�тай. Эрүүл энх сайн сайхныг сайдад хүсье. Буян нь дэлгэрч яваарай. Үр хүүхэд хань ижил аав ээж нарт нь сайн сайхныг ерөөе.