Нийслэл Ерөнхийлөгч асан Н.Энхбаяраас өмчөө эргүүлэн авах асуудал энэ цаг үед маргаан дагуулж, анхаарал татаад байна. “Өргөө” зочид буудлыг буудлыг нийслэлийн өмчид эргүүлэн авах асуудлаар мэдэгдэл хүргүүлжээ. Гэвч УИХ-ын гишүүн, ЦХХХ-ны сайд Э.Батшугар: “Өргөө зочид буудлыг нийслэлд өгөхгүй. Хонгилын шүүх хоёр өөр шийдвэр гаргасан” хэмээсэн.
Харин Ерөнхийлөгч асан Н.Энхбаяр МАН-ын Их хурлын үеэр "“Өргөө” буудлын асуудлаар Х.Нямбаатарт “наадахаа зогсоо” гэж мессеж бичихэд “Ойлголоо” гэж хариу өгсөн" хэмээн ярилцлага өгсөн байдаг.
Энэхүү мэдээллийг Хотын дарга Х.Нямбаатар үгүйсгэжээ.
Тэрбээр, "Хууль журам үйлчилдэггүй, шүүхийн шийдвэр биелүүлдэггүй нэг хүн, нэг гэр бүл манай улсад байна. Гурван шатны шүүхийн шийдвэртэй асуудлыг 2 хүн утсаар яриад, нэг нь чи наадхаа зогсоо гээд нөгөөх нь ойлголоо гээд шүүхийн шийдвэр хүчингүй болчихно гэж байхгүй. Аав хүү хоёр гарч ирээд хуулийг уландаа гишгэдэг байж болохгүй. Ерөнхийлөгчийн Н.Энхбаяр гуай тэр асуудлыг зогсоо гэхээр шүүхийн шийдвэр хүчингүй болчихдог юм бол энэ улсад хууль шүүх гэж байгаад яах юм. Харбины гэрээний дэргэд Өргөө зочид буудал бол юу ч биш гэж хэлсэн байсан. Том жижиг хулгай гэж байхгүй. Нийслэл алдагдсан өмчөө буцааж авна" хэмээжээ.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.