Энэ сарын 26-нд Сэлэнгэ Бодонс баг Эс Жи Эйпс багтай улирлын ээлжит тоглолтоо хийсэн. Тус тоглолтын үеэр Эс Жи Эйпс багийн тоглогч М.Өлзий-Орших бөмбөг дамжуулах үедээ Сэлэнгэ Бодонс багийн тоглогч Д.Дэлгэрнямыг санамсаргүй тохойлдсоноос багийн ахлагч Д.Дэлгэрням бэртэл авсан.
Тэгвэл М.Өлзий-Орших өөрийн цахим хуудсаар дамжуулан Д.Дэлгэрням болон Сэлэнгэ бодонс багаас албан ёсоор уучлал гуйлаа. Тэрбээр "Д.Дэлгэрням ах болон Сэлэнгэ бодонс багаас албан ёсоор уучлалт гуйж байна.
Өнгөрсөн тоглолтонд үүссэн контакт нь ах руу чиглэсэн санаатай үйлдэл байгаагүй гэдгийг хэлмээр байна. Би өөрийн тэр үйлдлээсээ болж танд болон багт нь хүндрэл учруулсандаа үнэхээр харамсаж байна. Дэк ахаасаа чин сэтгэлээсээ уучлал хүсэж байна. Хурдан эдгээд талбайдаа эргэн ирээрэй" гэжээ.
Харин Сэлэнгэ Бодонс багийн зүгээс багийнх ахлагч Д.Дэлгэрнямын талаар "Багийн ахлагч Д.Дэлгэрням нь “Эс Жи Эйпс” багтай хийх тоглолтын үеэр нүүрэндээ хүнд бэртэл авч, одоогоор эмчилгээ хийлгэж байна. Бэртлийн улмаас дээд үүдэн хоёр шүд хугарсан, уруул нь язарч, нүүр нь хавдсан. Эмчийн магадалгаагаар Д.Дэлгэрням маргаашийн буюу 12-р сарын 1-ний “Дархан Юнайтед” багтай хийх тоглолтыг өнжихөөр боллоо. Эмчилгээний үр дүнг харгалзан түүний дараагийн тоглолтод орох эсэхийг шийднэ" гэжээ.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.